جديد الجارة ام ندى ، وجديد وصفات البطبوط ميني بطبوط معمر بالكفتة . والظاهر أن الجارات تايفضلو وصفات البطبوط المخمار لأنها سهلة التحضير ومثالية للتقديم في مائدة افطار رمضان . والصراحة أنا أيضا تايعجبي نقدمو مرافق للمائدة وتايعجب الوليدات
المقادير والطريقة :
نعجنو البطبوط ديالنا عادي طحين فينو مخلط مع الفورص خميرة ملح شوية سكر نخليوه يخمر
بعد ذلك نقوم بعمل بصلة مشلضة خيزو محكوك فالحكاكة رقيقة فلفل الوان مقطعين مربعات مع شوية زيت فالمقلات ونشحرو الخضرة مزيان
نزيدو الكفتة والربيع يتشحرو ونزيدو ابزار ملح كمون ونخليو الخليط يبرد مزيان
ونعمرو البطيبطات ونطيبوهم فالمقلاة، العمارة واضحة في الصورة
هاهو ميني بطبوط معمر بالكفتة وهو تايطيب فالمقلاة،
وهاهي صورة التقديم ، نتمى ينال اعجابكم
وبالصحة والراحة، جارتكم أم ندى
واضح كيجي بنين تبارك اللّٰه عليك
رائع مشكورة كنجربهم ان شاء الله رمضان مبارك جاراتي
MACHAALLAH 3LIK AKHTI
LAH Y3TIK SA7A AHBIBA
بارك الله فيكم اجاراتي كيجي بنين وساهل
That’s cool
سلام جارتي طريقة غزالة انا ولدي كيحمق على البطبوط ودابا غدي يزيد يبغيه شكرا بزاف
بالتوفيق ان شاء الله
llah y3tik seha
ياربي امين