طريقة تحضير الكلمار بالبطاطا و القوق بالصور

جبت لكم واحد الطوجين كيجي غزال و لذيذ طريقة تحضير

الكلمار بالبطاطا و القوق بالصور من عند الاخت

مفيدة جزاها الله خيرا معتبر و زوين 

مقادير و طريقة تحضير الكلمار 

اول حاجة باش يجي الكلمار هشيش ومياخدش الوقت في الطياب

نديروه في اناء ونزيدو عليه شوية خميرة الحلوة والماء ونخليو

واحد نصف ساعة عاد نغسلوه و نصفوه دغيا يطيب وهد

الطريقة نديرةها ليه كيفما بغينا نوجدو يامقلي يا معمر

او طايب عادي كيف بغينا نديرو في هد الوصفة

في طنجرة نديرو شوية الزيت البلدية والثومة نشحروها شوية

نديرو الكلمار يتشحر غير شوية ونزولوه

في نفس المقلة نديرو مطيشة منقية ومقطعة

نشحروها شوية ونزيدو بطاطا مصلوقة انا درت الصغيرة ممكن

نستعملو كبيرة مقطعة مربعات كبار

ثم نزيدو قلوب القوق مصلوقين ومقطعين على اربعة

نزيدو شوية الملح والبزار

في زلافة نديرو شوية مطيشة الحك ونحلوها بشوية الماء

ونزيدوها في الطنجرة

ثم نزيدو الكلمار لقلينا في الاول

ونخليوهم يطيبو حتى تنسجم العناصر كلها في الاخير نزيدة

زيتون اسود بلا عضم وشوية الربيع

و ها الطويجين الكلمار بالبطاطا و القوق بالصور واجد

بالصحة و الراحة