اهلا وسهلا بكم جاراتي معنا هاد المرة وصفة
اقتصادية بامتياز صاحبة الوصفة صاحبة صفحة
الفايسبوك كدها بالفعل هي صاحبة الفكرة بقلاوة
بطريقة مختلفة وهي وصفة كتحضر فالاعياد
والمناسبات وكاين حتى لي كيحضرها كطبق
رئيسي فمائدة رمضان وليني مكونات هاد الوصفة
هي ماتبقى من وصفة البقلاوة العادية لي تحضرات
وماشي من قيمنا الاسلامية نرميو الاكل وهو صالح
لذلك ضروري نبتكرو طرق جميلة للاستفادة منو
نتوكلو على الله ونبداو بسم الله
المقادير :
ورقات البسطيلة
اللوز
كاوكاو
سكر سنيدة
قرفة
معلقة ماء الزهر
زبدة
للتزيين :
العسل او القطر
الفستق البيسطاج
طريقة تحضير بقلاوة في البيت بشكل مختلف :
رتبنا الورقات لي عندنا فوق بعضياتهم ونرشو
فوقهم الخليط ديال الكاوكاو واللوز مطحونين
مع سكر سنيدة
و ماء الزهر وناخدو عصا رقيقة
ديال الخشب ونلويو عليها الورقة
وملي تولي على شكل قضيب
نجرو العصا ولي قاديناها نحوطوها فالمول
ونبقاو بحال هاكا حتى نكملو الكمية كاملة
وناخدو الزبدة وندوبوها ونصبوها على بقلاوة
ديالنا بالتساوي
وندخلوها للفران لي تكون النار ديالو مهيلة
حتى تحمر مزيان ونخرجوها
ونكونو موجدين القطر اولا العسل مسخنينو مزيان
وتاهو نصبوه على الطبق ديالنا بالتساوي
ونقدمو بقلاوة ديالنا مزينة بالبيسطاج
بالصحة والراحة كنتمنى تعجبكم
ونالو نصيب من صالح دعائكم ولاغلى الناس
بالشفاء العاجل ولصاحبة الوصفة جزاها الله
عنا كل خير
في امان الله
ترك تعليق