السلام عليكم اخواتي في الله بما اننا خاصنا
ندخلو فالوجبات ديالنا كل ماهو صحي بغيت
نشارك معاكم عصير صحي من الدرجة الاولى
بالاضافة الى انه لذيذ جدا ومنعش الطريقة
وكيفية التحضير مقدمة من الاخت ليلى كاميل
نتولكوا على الله ونبداو بسم الله
المقادير :
كيلو باربا
لترعصير البرتقال
خمس ملاعق سكر سنيدة
طريقة تحضير عصير الباربا والليمون :
كنسلقو الباربا فالماء حتى طيب
ونحيدوه نحيدو ليها القشور ونقطعوها ونخليوها
تبرد ومن بعد نجيبو الخلاط الكهربائي ونديرو فيه
الباربا وعصير البرتقال
الا كان متوفر حضريه فالبيت مكانش متوفر
خودي لي كيتباع فالمحلات التجارية المعلب
والسكر على حسب الذوق ونطحنو كلشي
ونقدموه بارد بالصحة والراحة
كنتمنى يعجبكم وتقدموه لحبابكم
بالصحة والراحة في امان الله
المصدر : موقع ليلى كاميل
الصراحة هو لصالح فهد البرد والزكام شكراً
هد العصير مزيان فكل وقت
وش هو الباربا مافهمتش معناها
الباربا هي الشمندر او البنجر