خبيزات البطبوط معمرين بالكفتة ( بالصور )

وصفة أخرى من وصفات إفطار شهر رمضان الكريم ، خبيزات البطبوط معمرين بالكفتة والخضر 

بالصور والمراحل من الجارة ” حنان التّازية “

مقادير وطريقة عمل العجين

نصف كيلو دقيق الحرش ( فينو )
رابعة فورص
2 ملاعق سنيدة
خميرة ديال الحلوة
ملعقة خميرة معجونة
ملح ، ماء دافي، 2 ملاعق زيت

تنجمع المقادير بالماء وندلكوها مزيـــــــــــان

ترتاح 5 دقائق تقريبا ونديروها كريصات صغار وندهنوهم بالزيت

مقادير الحشوة

300 غرام لحم مفروم ( كفتة )
2 بصلات مشلظين
3 حبات طماطم محكوكة (أنا عملت ديال الكرطونة)
2 فلفلات مقطعين مربعات صغار
زيتون أخضر مقطع
ملعقة كبيرة مطيشة الحك
كمون، إبزار، تحميرة، زعفران، هريسة حارّة

كريقة عمل خبيزات البطبوط معمرين

تنشحرو البصلة فالزيت ونزيدو الفلفلة حتى هي

ومن بعد تنديرو مطيشة ونحركو مزيان

ثم نزيدو الكفتة والتوابل ونحركو حتى تشحر وتنشف شوية

ونخليوها تبرد مزيان

كنطلقو ديك الكريصات شوية ونديرو وسطهم ملعقة ديال الحشوة

ونسرحوها شوية ونجمعو العجينة مزيان باش ماتخرجش الحشوة

تنكرصوهم غير شوية 

ونبدا نبدا نطيبهم فمقلاة سخونة على نار متوسطة

وهادي هي النتيجة

نتمنى نكون شرحت ليكم مزيان طريقة عمل خبيزات البطبوط معمر بالكفتة 

دعواتكن معي بالذرية الصالحة يارب

جارتكم حنان التازية

[author image=”https://lh6.googleusercontent.com/-J4AN6ByawQs/U8K1f0ugrSI/AAAAAAAAQ94/V7GCBD85yPw/s200/jara.png” ]الجارة حنان التازية[/author]