(اليوم حطيت كوب وثلث ماي )كلها تضبط+ ملعقة خميره + ٣ملاعق سكر كبيره + رشة ملح + ثلاث ملاعق كبيره حليب بودره + ربع كوب زيت + نخلطهم بالمضرب السلك
_ننزل عليهم تدريجيا الدقيق ونعجن حتى نصل لعجينه مرنه طريه ملمومه ناعمه .. ممكن نحتاج ثلاث اكواب دقيق.
_نغطي العجينه بكيس ونغطيها نخليها حتى تخمر
_اذا خمرت نقطعها كويرات صغيره ونحشيها جبن كيري. قطعي الكيري الى اربعة اقسام وحشيه كل قسم بكوره. < واضح متأثره من المنصه 🙂🥴.. اعلمكم علشان تطلع معاكم لذيذه صح _نسكرها و نرص العجينه في الصينيه وهكذا لعمل شكل خليه. او براحتك اذا حابتها باي شكل. المهم بعد مانخلصها كلها. نغطيها مره ثانيه تخمر تقريبا تحتاج ربع ساعه. ثم ندخلها فرن ساخن مسبقا من تحت. تحمير حتى الاستواء. ثم من فوق. اول ماتطلع من الفرن نصب عليها شيره ثقيله بالزعفران. وياسلام عالكلام. ادعوا لي بس 🤍 _ملاحظات _دائما افضل شي للمعجنات عندي. الصواني التيفال الحمرا الاصليه. احسها توزع حراره عدل وتوصل تحمير مقمر خرافي _هني انا بطنت الصينيه التيفال بورق زبده علشان اقدر اطلع الخليه براحتي واضمن ماتلزق _اذا حابه تدهنين وجه الخليه. ادهنيها بصفار بيضه مع نتفة نسكافيه علشان ماتطلع ريحة البيض _كنا في سنه من السنوات نحشيها جبنه ونمررها بالزعتر بدون زيت. ونرصها ونحمرها. واذا طلعت نصب شيره يالطيف 😋 _لما كتبت ننزل الدقيق تدريجي بدون معيار معين. لان هذي افضل شي لعمل العجينه. تنزلين عالخفيف وتعجنين بس بسرعه ورا بعض صبي وحركي وصبي من الدقيق واعجني وهكذا لين توصلين لعجينه مرنه طريه. العجينه كل ماصارت قويه تطلع موحلوه. ... وحطيت لكم انه ممكن نحتاج الى ثلاثة اكواب دقيق. للي مفهمت علي
خلية النحل بالتمر لذيذة جدا