كومير بالشكلاط صغار

كومير بالشكلاط صغار من المطبخ الفرنسي

السلام عليكم جاراتي الغزالات كيف الاحوال ؟
قلت نضربو ضويرة فالمطابخ العالمية وجبت
ليكم وصفة من المطبخ الفرنسي المشهور
في مجال الخبز والباتسيري التي لا يضاهيها
اي مطبخ ثاني في الروعة واللذة والوصفة كومير
بالشكلاط صغار مقدمة من
موقع uneirresistibleenviedesucre.com
بطريقة سهلة ممكن للكل يطبقها ومشروحة بالصور
نتوكلو على الله ونبدا بسم الله

كومير بالشكلاط صغار

المقادير :

530 غرام طحين
200 مليلتر لبن
2 ملاعق ونصف صغار خميرة الخبز
2 بيضات
70 غرام سكر سنيدة
2 اكياس سكر فانيلا
70 غرام زبدة لينة
1 ملعقة صغيرة ملح
100 غرام شكلاط حسب الذوق
للتزيين :
بيضة
سكر سنيدة

طريقة تحضير كومير بالشكلاط صغار :


فاناء نديرو الطحين والملح غير شوية ونحركوهم
مع بعض عاد نزيدو البيض سكر سنيدة الخميرة
وسكر فانيلا وفالاخير اللبن ونبداو نعجنو العجينة
ديالنا وندلكوها مزيان حتى تولي عندنا عجينة
متجانسة ورطبة وونبداو نزيدو زبدة بشوية
بشوية حتى العجينة تشرب الكمية كاملة ديال
الزبدة وندلكوها لمدة تقريبا 10 دقايق او اكثر
غتولي عندنا عجينة كتلصق شوية وليني مع
شوية الطحين فايديك جارتي العزيزة مكتلقايش
معاها مشكل بالمرة نجمعوها فشي اناء
أولا زلافة كبيرة

ونغطيها وتحطيها فمكان دافي لمدة تقريبا
2 سوايع ممكن اكثر او اقل حتى يبان ليك
بلي الحجم ديال العجينة ولا مضاعف

نضيفو ليها حبيبات الشكولاتة ونعجنوها
بزربة حتا يتوزعو الحبيبات فالعجينة منكتروش
باش ميدوبش الشكلاط بحرارة اليد

ونقسمو العجينة لكويرات كل وحدة تقريبا
يكون فيها 70 غرام انا ختاريت نديرها على
شكل كوميرات ونتوما ليكم الاختيار ديروها
بالشكل لي بغيتو ولي حبيتو سرحت الكرة
الأولى فوق سطح مرشوش مزيان بالطحين

وجمعت جناب بجوج للوسط

وعاود طويت جناب للمرة الثانية

وفالاخير روليتها

 وحطيتها فوق طاوة مغطية بورق
سيلفيريزي

ونزوقزها بسكين يكون حاد

ومابين كل وحدة و وحدة نخليو مساحة
فارغة باش ميتلاصقوش مع بعض ملي
تبدا طيب ونبقاو بحال هاكا حتى نكملو
الكمية كاملة ان شاء الله ونغطيوها ونخليوهم
حتى يخمارو عاود مرة أخرى شي ساعة
تقريبا نشعلو الفارن يسخن على درجة
حرارة 180 وندهنو الكومير ديالنا باصفر
البيض مطرب مع شوية الحليب وندخلوها
للفران لمدة لا تقل على 30 دقيقة ونقدمو
كومير بالشكلاط صغار بالصحة والراحة

كنتمنى يعجبكم ونالو نصيب من صالح
دعاءكم ولاغلى الناس بالشفاء العاجل
ولصاحبة الوصفة جزاها الله عنا كل خير

في امان الله

طريقة عمل الخبز التركي من الجارة أريج
ساندويش محضر في البيت

تعليقات (7)

  1. ليلى

    وصفة رائعة وضرروري نجربها ديما كنبغي نصيب الكومير شكرا والله يشافي اختي جميع امة سيدنا محمد ويجعل كل حرف فكل وصفة بحسنة وبالشفاء يارب

    • جارتي المديرة

      اللهم امين ختي ليلى شكرا بزاف الله يجازيك بخير جربيها وردي علينا الخبار وان شاء الله تجيك فنة

  2. Badri

    وصفة جميلة شكرا عجبتني بزاف انشاء الله نجربها وندعيلكم جاراتي

    • جارتي المديرة

      بالتوفيق ان شاء الله

  3. Marina

    Salam brit na3raf Wach l’aban ou la hlib merci

  4. Marina

    3afakom li jarabhom ygol lina Wach hlib chokran

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Categories
Archives
سلة التسوق الخاصة بي
قائمة الرغبات
شوهدت مؤخرا
قارن بين المنتجات (0 منتجات)
قارن المنتج
قارن المنتج
قارن المنتج
قارن المنتج
فئات