السلام عليكم جاراتي العزازات ان شاء الله تكونو على خير بريوات بالخضرة والكفتة
بغيت نشاركها معاكم من عند الاخت كريمة جزاها الله كل خير عنا لانها
سهلة التحضير مكتحتاجش عناء كبير و الحشوة اختيارية من طبيعة الحال
يعني تقدري تزيدي عليها تقدري تنقصي منها
نبداو بسم الله
المقادير :
الكفتة او اي نوع من اختيارك
حبة طماطم
حبة بصل
فلفلة حارة صغيرة
الفطر المأكول
حبة بطاطس
فرماج ساندويش
زيت القلي
الملح
الابزار
سكينجبير
الخرقوم
تحميرة
قزبر ومعدنوس
ورقة البسطيلة
طريقة التحضير :
فمقلة نشحرو البصلة مشلضة رقيقة مزيان ومطيشة حتى هي نكونو قطعناها
مكعبات وفليفلة حارة نقطعو نصها قطع رقيقة والفطر المأكول والكفتة انا هنايا
ختاريت ديال البقري وعاد التوابل دياولنا الملح الابزار التحميرة الخرقوم
وسكينجبير والقزبر والمعدنوس
ونخليوهم حتى ينشفو من الماء مزيان ويعقادو مع التحريك
المستمر باش يندمجو المكونات مع بعضياتهم
ونكونو فهاد الوقيتة صلقنا البطاطا و عاد نقطعوها ونزيدوها فالمقلة ديالنا
ونحركو كلشي مزيان
وناخدو الورقة ديالنا ونقسموها على جوج اجزاء
ونديرو فكل وريقة شوية الحشوة وطريف ديال فرماج السندويتش
ونبداو نلويو على شكل بريوات وهنا الطريقة
موضحة مزيان لي مكتعرفش تلوي البريوات
وندهنو الطرف الاخير لي بقا بالبيض مطرب اولا شوية الطحين
مخلط مع الما باش ميتفكوش ملي يكونو يطيبو
ممكن انكي نديريهم فكيس غذائي ونخليوهم فالمجمد
حتى نحتاجهم عاد نطيبوهم اولا نبداو نطيبوهم ديك الساعة
ومن بعد نديرو زيت القلي يسخن مزيان و نبداو نقليو
ملي نبداو فهاد العملية من الاحسن نقصو من العافية شوية تولي متوسطة
باش يطيبو بريوات بالخضرة والكفتة بطريقة متساوية وعلى الوجوه
ديالها بجوج وهاهوما بالصحة والراحة
كنتمنى تجربوهم ويعجبوكم
وتدعيو مع صاحبة الوصفة بالخير
Salamo allh 3alikom 3afakom li 3ndha chi tari9a dyal l7rira katla3 zeina isftha li hit hna saimin lyoma .wa jazakm allh kola lkhayr
تفضلي اختي لحريرة على هذا الرابط
http://www.jaratii.com/recipe/12145
شكرا على الوصفة والله يخليكم بدي طريقة عمل محاجب من فضلكم والله يقدركم
تفضلي اختي على هذا الرايط احنا نقول مسمن
http://www.jaratii.com/recipe/4653
http://www.jaratii.com/recipe/12475
lah yjazikom bi5iiir 3la had lwasafat lmofida w ra2i3a jidan bghit na3raf tari9a tahdir salsat l bichamil b tafasil o chno howa l fotr lma2kol jazakom laho 5ayran
تفضلي اختي صلصة البيشاميل
http://www.jaratii.com/recipe/13568
Tbarkalah 3lik akhti kaychahiw
شكرا حبيبة