قراشل ساهلين بالزنجلان والنافع

وصفة جديدة من وصفات المعجنات والتي يمكن تقديمها مع الشاي أو في أوقات مختلفة من اليوم ، الصفة هي قراشل ساهلين بالزنجلان والنافع

المقادير :

1 كيلو طحين
نصف لتر حليب
2 بيضات
45 مليلتر زيت
120 غرام زبدة مرخية
100 غرام سكر سنيدة
شوية الملح
2 معالق صغار خميرة الخبز
2 معالق كبار نافع حبوب
2 معالق كبار زنجلان
2 معالق كبار ونص ماء الزهر
معلقة كبيرة فانيلا سائلة
أو نعوض الفانيلا بـ 2 خنيشات سكر الفاني

للتزيين :

بيضة مخلطة مع شوية الحليب
زنجلان حبوب

طريقة التحضير :

فقطرية نديرو الطحين و السكر و املح و البيض و الزيت و النافع

و الزنجلان و ماء الزهر و الفاني و الخميرة ونبقاو نزيدو فالحليب بشوية بشوية وحنا كنعجنو

الا كان عندك روبو تبقا تعجن لمدة 10 دقايق

ويلا كان غير بايديك تبقاي تعجني حتى تولي العجينة رطبة وتكون كتلصق شي شوية

ونزيدو عليها الزبدة بشوية بشوية وحنا كنعجنو تنكملوها

وتدخل الزبدة فالعجينة ونقوم بتغطيتها  ونخليوها تخمار على الأقل لمدة 2 سوايع

وناخدو الطاوة لي غاديا تدخل للفران وندهنوها مزيان بالزيت ونزلو ديك العجينة

أولا نعاودو نجمعوها باش نحيدو منها الغازات لي فيها

ونديرو كويرات الحجم ديالهم متوسط

تقريبا يكون فيها 45 غرام باش يكون عندنا قريشلات مقادين فالحجم ديالهم

وملي نكملو الكمية كاملة ندهنوها بالبيض مخلط مع شوية الحليب و نرشو فوقها الزنجلان

و نخليوها ترتاح فوق الطاوة لمدة مابين 20 تال 30 دقيقة

وندخلوها لفران سخون مزيان درجة الحرارة ديالو 200

وندخلوها طيب لمدة مابين 20 و 30 دقيقة حتى تبان ليك طابت وخدات لون زوين مذهب

وملي نخرجوها من الفران نخليوها تبرد فوق شي شبكة باش ملي تكون تبرد متعرقش من التحت

هاهوما قراشل ساهلين بالزنجلان والنافع بالصحة والعافية

لاتنسونا من صالح الدعاء

المصدر :http://uneirresistibleenviedesucre.com