ميني بطبوط بالدجاج المتبل على الطريقة الهندية

السلام عليكم جاراتي بغيت نشارككم بوصفة جديدة لي هي
ميني بطبوط بالدجاج المتبل على الطريقة الهندية وهي مزيج
مابين المطبخ الهندي و المطبخ المغربي ولمحبي الاكلات الحارة
وسهلة التحضير ان شاء الله تكون ناجحة ملي تجربوها
وتعجب جميع افراد العائلة
نبداو بسم الله

قائمة المحتويات

المقادير :

العجينة :

150 غرام طحين فورص

550 غرام قمح

4 معالق زيت الزيتون

معلقة صغيرة ملح

معلقة صغيرة خميرة ديال الحلوة

معلقة كبيرة و نص خميرة الخبز

255 مليلتر حليب

230 مليليتر ماء دافي شوية

الحشوة :

500 غرام صدر الدجاج

حبة كوزة

2 معالق كبار من البورو او البصلة الخضارية

معلقة صغيرة من كاري مداراس

معلقة صغيرة كارام مصالا

معلقة صغيرة تندوري

معلقة صغيرة و نصف زبدة الدجاج بالتوابل

ملح والابزار حسب الذوق

زيت زيتون

3 البصلات

معلقة صغيرة سكينجبير محكوك طري

ممكن تستغني على بعض المقادير الا ماكانوش
متوفرين ويلا كانو موجودين غيكون من الاحسن

طريقة التحضير :

كنحضرو البطبوط هو الأول

فقصرية أولا فاناء كنخلطو القمح و الفورص والملح وهوما جافين

وكنزيدو عليهم زيت الزيتون الخميرة و الحليب الا كانت الخميرة
لي عندك ديال الحبيبات دوبيها قبل فالحليب وكنخلطو داكشي

وكنبداو نزيدو بشوية بشوية الما حتى تولي متجانسة

ورطبة ومدلوكة مزيان انا استعملت العجانة باش نستغل وقت اكثر.

ونخليو العجينة تخمار حتى يولي الحجم ديالها مضاعف

وملي كتخمار

كنسرحو العجينة فوق سطح مرشوش
فوقو الطحين مزيان باش متلصقش لينا العجينة

وملي يولي تقريبا السمك ديالها 1 سنتيمتر

كنقطعها بكاس أولا جبانة على حساب الحجم لي بغينا

وكنديروه فصينية مرشوشة بالطحين
و القمح ونغطيوه بمنديل ونخليوه يرتاح شوية

حرارة المطبخ كافية ومن بعد نسخنو المقلة
ديالنا ومن الاحسن تكون تقيلة و نرشوها بشوية الزيت
باش تعطينا لون ذهبي رائع فالبطبوط
ديالنا ونطيبوه على الوجوه بجوج ديالو

وبيلما فتر شوية نوجدو الحشوة ديالنا لي
هي والعجينة كيعطيونا 25 بطبوطة وهاهوا

ميني بطبوط بالدجاج المتبل على الطريقة الهندية
المرحلة الاولى ديالو سالات

فاناء كنديرو الدجاج مقطع رقيق سكينجبير محكوك
طري والبصلة الخضارية و التوابل الأخرى الهنديةلي

موجودة في جميع المحلات التجارية الكبرى وفحالة
مكانتش متوفرة ممكن تكتفي بالملح و الابزار كافين باش
يخليو البطبوط ديالك بنين جارتي العزيزة وكنحركو حتى كيتخلط
كلشي ونخليوه يبقا شوية دخل ديك التوابل فالدجاج ديالنا

وفمقلة كنديرو زيت الزيتون و 3 البصلات ديالنا لي قطعناهم
نشحروهم ونديرو الابزار و الملح غير شوية حكاش ملحنا الدجاج
من قبل ونبقاو نحركوها ومقبلينها
حتى تولي ذهبية اللون ومتحرقش لينا