السلام عليكم جاراتي العزيزات ، وصفة اليوم عبارة عن كيك رائع كيكة بحشوة نيسلي وكريمة التوفي من جارتكم lamarti بالصور والمراحل والشرح المفصل للمبتدئات على أمل أن تنال اعجابك الوصفة وتجربيها
المقادير:
4بيصات
كاس زيت + كاس سكر
2دانون طبيعي + خميرة كيماوية
القليل من الفانيلا والدقيق حسب الخليط
مقادير الحشوة :
علبة من الحليب المحلى المركز
وستة قطع من جبنة كيري
وللتزين كريمة التوفي
الطريقة :
كنحضرو خليط الكيك بالطريقة العادية والمعتادة
السوائل تم المواد الجافة
كناخدوا صينية الفرن تكون طبعا مدهونة بالزبدة ومرشوشة بالدقيق
كنصبوا فيها نصف خليط الكيك وندخلها فرن يكون مسخن من قبل
ماشي شرط انها تحمر فقط ملي تحسي بيها نضجات
وتكوني فهاد الأثناء وجدت الحشوة وخلطتي علبة الحليب المحلى مع الجبنة وكتصبيهم فوق الكيك وكدخليه الفرن فالوسط غير يشد راسو الخليط
تم تخرجيه وجردري عليه طبقة من بودرة الكاكاو نسيت مدكرتهاش فالمقادير
وضيفي عليه باقي كمية الكيك وتعاودي دخليه مرة ثالتة للفرن
شرط هاد المرة الفرن يكون على نار مهيلة من تحت
وملي يتحمر كتزينيه بصلصة التوفي
وهاهي كيكة بحشوة نيسلي وكريمة التوفي منظر رائع
وبالصحة والراحة
شكرا لييييك على هاد الكيكة الزوينة
شكرا لكي أختي وبالصحة والراحة
رررررررإعة ولكن فيني مقدير التوفي
ممتاااازة اللّٰه يعطيك الصحة ولكن فيناهي مقادير التوفي
هانتوما أجاراتي العزاز بالنسبة للتوفي ساااهل وغانعطيكوم 2 طرق اللولة كتحرقي كاس دسكر على النار ومن بعد كاتزديلو علبة ديال القشدة الطرية وكتخلطيهم
والطريقة التانية كتغلي علبة الحليب المحلى المركز مشدودة 3 سوايع على نار مهيلة وها الكريمة التوفي واجدة
شكرا بزاف احبيبة على هاد المعلومة
شكرا الله يعطيك الصحة شكرا بزاف احبيبة على هاد المعلومة
mmm katchhi lah i3tik saha
salam
sur la photo la creme jat lwest, ou fla recette ma kaynach tabaka dial la genoise.
merci
بالنسبة للسؤال ديال الأخت el azizi ما فهامتش السؤال ديالك مزيان الكريمة اللي فالوسط راها كاينة فالمقادير وإدا كنت كتهدري على طبقة الكاكاو راني نسيت مدكرتهاش فالمقاجير ولكن دكرتها فالطريقة إلى كاين شي استفسار مرحبا
شكرا على تعليقاتكم أجاراتي العزاز
Tbarklah 3lik akhti rani jerbtha orah jat bnina ozwina
شكرا أختي صفا على تطبيق الوصفة وبالصحة والراحة
salam ana bghit ntsajal ma3akom walakin 3yit bghit ntsajal walo bsaraha 3jbni bzaf had lma9i3 fih wasafat ziwa kantman tgololi kindir ntsajal ochkran
Akhti marhbabik tasjil rah sahl khas ghir ykon 3andam emial oflowal dyal lapage kayn tasjil fi lmaw9i3 kadakhli tama okatsajli
3jabnihad maw9i3 bazaf makrahtch ntsajal m3akoum walakin dmj mabritouche
الله يعطيك الصحة على هاد الكيكة ولاكن باش مزوقها من فوق الكريمة واش الشكلاط الأبيض ولا الحليب المحلى ؟
شكرا
أختي هداك الحليب المحلى لمزوقة بيه وشكرا على تعليقك احبيبة
حبيبتي شؤ مقدار الكأس ? من لكرام ارجوك جاوبين أءلئ عملتئ بيه المقادير
كاس لي به الياغورت هو لي تعبري به الزيت و السكر
حتي الله أخليك شحال ديال الخميرة واش ساشي واحد
نعم اختي سكينة ساشي واحدة