وصفة جديدة من الجارة أم يحيى جزاها الله خيرا، الوصفة هي طريقة عمل خبز الشيّار بالصور والمراحل والشرح الوافي للطريقة وإن شاء الله تعجب باقي الجارات ، وأي سؤال أو طلب المرجو وضعه في تعليق والاجابة تكون في أقرب وقت باذن الله
مقادير خبز الشيّار :
نصف كيلو دقيقالفورص الممتاز
رابعة السميد الفينو
معلقة كبيرة خميرةالخبز
شوية الملح
الماء الدافئ
الطريقة :
نخلط جميع المقادير بالماء الدافئ حتى الحصول على عجين مثل عجين السفنج
ثم نضعه داخل الكوكوت ونقوم اغلاقها ونتركه يختمر مدة ساعة تقريبا على حسب الجو
من بعد نعمل منهم كويرات مع دهن ايدينا بالزيت
ونخبزهم مباشرة فوق مقلاة مرشوشة بالزيت
وهاهو خبز الشيّار بالصحة والراحة
جارتكم الوفية أم يحيى
llah i3tik ssa77a yaa om ya7ya oykhalli liiiik ya7ya wallah l3adim 7ta dak l3am bchina nsalliw salat l3id lfitr ojabto wa7ad ssiyda wana ngolliha kifach kaddiri lih char7at liya omasda9ch wach ana mataba9tch ola kifach .wach ngollik chiyar ochman chiyar rtab ghiiiiir t9isiiih itab3ak hhhhh man dak l3am wana baghah odaba 3titini ttari9a mowadda7a llah isahal 3lik ghadi ndiro fi a9rab wa9t inchaallah.chokran bezzaaaf
شكرا اختي والله اعطيك الصحة
Lah i3tik saha ahbiba
شكرا على الوصفة اخت ام يحيى الله يعطيك الصحة ا حبيبة 😉
بارك الله فيكم كنتمنى تجربو الاخت سمية ويصدق ليها هاد المرة وبالصحة والراحة
شكرا ام يحي تبارك الله عليك كيليتو واحد نهار عند مرات عمي عجبني وعمرتو بالعسل وزبدة دهناتو كناكل حتى تنفخت غنجرب طريقتك نشاء الله تصدق ليا مع راجلي عزيز عليه لمسن ولبطبوط والمشتقاة ههههههه
بالصحة والراحة احبيبة ا بارك اللّٰه فيك
شكرا على الوصفة ممكن نستعملو السميدة الرقيقة
ايه اختي ممكن وراه كتجي احسن
بارك الله فيك ختي
لسلام ام هديل انا مجرباه بالسميدة القمح الرقيقة وجاني زوين ولكن والاخت عطاتني المقادير بالفينو داكشي علاش كتبت المقادير هوما هادوك ولكن بالسميدة الرقيقة جاو احسن نتمنى يجيك زوين وبالصحة والراحة
ana n9olli akhti lah i3tik saha ja ghzal awa mra wldi ighawat 33la lkhbz hhhh
بالصحة والراحة اختي ام كنان
Waww
ام يحي اختي جربتو اليومة نصف مقادير جاني بحالا غليض واخا رققتو مزيان معرفتش علاش جاني بحال بطبوط
واحد صاحبتي وجارتي دارتو حتى هي مجاهاش زوين مصدقش ليها اما انا جاني بحال لي فصورة تاعك ولاكن غليض
درت زلافة تاع دقيق ممتاز
ونصف زلافة تاع سميدة رقيقة
ومعلقة صغيرة تاع لخميرة
وماء دافئ وعجنتو مزيان بحال عجينتك ودرتو فكوكوت ساعة وقرصتو فمقلة جاني غليض معرفتش علاش
شحال خرج ليك د الخبيزات انا داك نهار خرج ليا 5 و جاني زوين والله العظيم
ربعة تاع خبيزات صغار واش كترقيه بحال مسمن ام كنان
انا عملتلو بحال بطبوط غي هو ملي كنعملو فالمقلة كنزيد نحلو باش مايجيشي غليظ
سمحوليا يلا قريت التعليق لي كتبت انا كيخرجو ليا 6 وخاصكي تخليه غليض شوية فالتگراص باش يجي ملَبب وزين وبصحتكم
تبارك الله عليك أنا ديما كديرو الواليدة معمري زعمت عليه وملي شفتو هنا جربتو وجازوييين درت منو ضعف الكمية خرجلي 12 خبزة مبقات حتى وحدة هههه