السلام عليكم حبيبات قلبي كيدايرين لاباس اليوم نقترح عليكم اسهل طريقة لتحضير خبز السندويش فالبيت واخا سمحوليا ماصورتتش المراحل و لكن ان شاء الله يكون الشرح مفيد . خصوصا أن طريقة عمل خبز السندويش فالبيت ستفيد الجارات في الوصفات اللي تاتعجب الأبناء
نبداو على بركة الله
المقادير:
400غ دقيق
1 بيضة
معلقة كبيرة سنيدة
قبصة ملحة
معلقة كبيرة خميرة الدار على حسب الجو
2معالق كبار زبدة مذابة
الحليب الدافئ لجمع العجين
طريقة التحضير :
اولا تانخدو الخميرة و السنيدة نعملوهم ف اناء و نضيفو لهم القليل من الحليب الدافئ و نخليوهم تا يتفاعلو
في اناء اخر ناخدو الدقيق الملح و البيضة و الزبدة المذابة و نضيفو عليهم خليط الخميرة و السنيدة و الحليب و نبقاو نضيفو الحليب تا كايتجمع لينا العجين ندلكوه مزيان خصو يكون مرخوف
ندسروه ف شي اناء و نخليوه يرتاح حوالي 15دقيقة
من يعد مايخمر العجين كانخدوه نروليوه على شكل طولي و نقطعوه بالموس ناخدو كل قطعة نطلقوها بالمدلاك ب مساعدة الدقيق طبعا تاكاتولي رقيقة و نبقاو نروليوها بحال شكل شنيك و الطراف ندخلوهم فالعجين باش شكل دائري بحال الكومير العادي
ملاحظة فاش تكونو كاتلويوه يلا مابغاش الجزء الاخير يتبت تبتوه غير بشوية د الماء نتمنا يكون الشرح مفيد
صافي بنفس الطريقة كانكملو قطع العجين المتبقية و نديورهم ف طاوة الفرن مدهونة بالزيت نعملو فيهم شرائط بالسكين و نخليوهم يخمرو ملي يخمرو نسخنو الفرن و ندهنو الكومير ديالنا بالقليل من الحليب السائل و الى الفرن
وهاهو خبز السندويش فالبيت صحي وسهل واجد
و هاكدا كايجيو من الداخل لذاذ وخفاف و رطاب جربوها و ماغاتندموش
ماتنساوش تدعيو معايا الامتحانات على الابواب الله ينجحني الله يفرحكم حبيباتي
احبكن بعدد الانفاس
جارتكم حنان
salam ini achkore hada al mawki3 jide motanawi3 li koli a3mare inchaa allah njarabe hade al wasfa bi idni allah
Inchalahla chokra 3ala wajib habibati natamana an nakon3inda hosni danikoum w nchalah tjarbiiha w t3ajbeek hayaki lah ♥:-)
روووعة ، تبارك الله عليك شحال وانا تانقلب على شي وصفة ديال الخبز اللي تيعملوه صحاب السندويتشات
بالصحة و الراحة حبيبة ديالي انا شاء الله تجربيها و تعجبك و تعجب الاسرة ديالك الله يحفظك تحياتي 😀
السلام تحياتي ختي حنان تبارك الله عليك نجربوهم ان شاء الله فعواض نشريو الخبز دالسندويش برا شكرا لك
وعليكن السلام حبيبةام كنان ان شاء تجربيها و تعجبك وتعجب وليداتك بالصحةوالراحة مسبقا و شكرا لكي تحياتي 🙂
Lah ywaf9ak nchaalah
Amiine lah yhafdak khtie w ysa3dakkk choukrane hbibti tahiya tayiba laki men 9albi ♥♥♥
Allah i3tik seha rani jerbto 3jbni bzaf tbarklah 3lik akhti ochokran
bon apétit akhtie . Charaftini b commentaire dyalek w choukrane bzaff mrahba 😉
Lah i3tik saha ahbiba
Allah ybarek fik khtie zahira charaftini bl commentaire dyalek 😉
شكرا غادي ينفعونا فهاد رمضان ان شاءالله اللّٰه يعطيك الصحة
بالصحة و الراااحة اخت ام يحيى 😉
مرحبا اخت ام يحيى ان شاء الله تجربوهم ويصدقو ليكي بالصحة ة و الراااحة
روعة تبارم الله عليك ان شاء الله نجربهوم شكرا على هاد الوصفة المثالية و هاد الموقع الررررااااقي بمعنى الكلمة
شكرااا اخت كريمة مرحبا بيك . 😉
ما شاء الله غزااال الله يعطي الصحيحة لدك الليديات
salmo 3alaykom 3afakoùm golliya cheo kadiro hta sawbetou hati
Okht malika mafhamtch soal dyalk
radi
njrbo wnrd 3lik
salam 3likom kamlin saaha ana stafat mn had maw9i3 jaraty flghorba meci a todo wlibghit ngolk akhty khbiz taichehy vaina fih walakin kon writina tai9a bswar ykon afdal jazaki laho khairan
مرة اخرى ان شاء الله