اليك حبيبتي واحد طورطيا بالبطاطا مسلوقة و الكفتة بالصور من عند الاخت لطيفة
جزاها الله كل خير ونبدا بسم الله
مقادير و طريقة تحضير بالتفصيل
كنحاتجو بطاطا مسلوقة فالماء وملح وتوم
بعد ما تسلق ، نقطروها مزيان ونمعسوها وهيا ما زال سخونة
ونضيف لها ملح حسب الرغبه، ولعطريه كدالك، أنا ضفت خرقوم،ابزار،سكنجبير
ممكن ضيفي الربيع أنا ما كانش عندي
و نضيف 4 بيضات أو حسب الكميه ديال بطاطا لي درتي
نخلط كلشي
و نحتاجو كفته مشحرة مع شوية ابزار وشوية ملح
وضرس ديال التومة صغير مقطع
هاهما مقادير طورطيا بالبطاطا مسلوقة و الكفتة واجدين
ناخد مقالة tefal ندير فيها معلقة ديال زيت ونحطها على النار متوسطه
ناخد نصف كمية لخليط ديال البطاطا نسرحو فالمقله
نزيد من فوقو الكفته لمشحرة
وأخر طبقه ديال خليط البطاطا
مني طيب راه كترفع وكتحرك فالمقله مني تحركيها
تقدري تقلبيها فنفس لمقله احسن الا مقدرتيش خدي مقله أخرى تكون
شوية كبيرة على لولى فيها معلقه ديال الزيت ونقلب فيها التورتية ،
غير تبدا تحرك عرفي بانها طابت
وها هيا واجدا
بالصحة و الراحة
salam akhti ana bghit na3raf chal dyal btata ochal dyal kafta sta3malti jazaki laho khayran
ديري 4 لبطاطات كبار و رابعة ديال الكفتة
bsaraha lah i3tik saha manfokha ou bayna ldida
تبارك الله عليكم
Ghadi njarbha o nrod 3lik inchallsh
مزونة
Bayna zouina