شوصون بالسبانخ والجبن الجبلي والفرماج

وصفة شوصون بالسبانخ من جارتكم أم هديل

بالصور والمراحل لطريقة التحضير وان شاء الله تعجبكم

الجارات كولشي مزيان اليوم جبتليكوم شوصون بالسبانخ والجبن الجبلي

كيجي وااااااااعر وبينين كنتنى تجربوه ورد عليا لخبار

بسم الله كنبدا بالعجينة تاعي انا كندير هاد العجين

فكل عمارات تاعي كتجي رائعة ورطبة وهشيشة

باش ما حبيتي تعمريها عمريها حتى لفروي ولا مربى كتجي رائعة

جوج زلايف طحين فورص دانون موس معلقة صغيرة تاع لخميرة معجونة

شوية تاع الملح جوج معالق زبدة وتجمعيها بشوية ماء دافئ

ونخاليها عشرة دقايق

ونعمر باش ماحبيت

انا ختاريت سبانيخ مع جبلي ولفرماج

ودرت حتى عمارة اخرى

طريفات تاع دجاج مع البصل وبشاميل ولفرماج درت جوج عمارات

كنشد سبانيخ كنغسلو مزيان من الغبرة

ونحطو فمقلة مع شوية تاع زيت وزبدة ومليحة وبزار

ونخاليه حتى يطيح وطيب

منين يطيب نحك عليه لفرماج

وندلك عجينتي بمدلك ونقطعها بهاد الشكل

انا ختاريت شكل دائري بيضاوي هههه

وندهن جناب بياض تاع البيض

وندهنهوم بلببيض مخلط مع شوسة تاع لحليب تقريبا معلقة كبيرة

ونحط فوقهوم زنجلان وحبة الوداء

وبالصحة والراحة كنمتى يعجبوكوم

متنساوش دعيو معاية فهاد لعواشر

[author image=”https://lh6.googleusercontent.com/-J4AN6ByawQs/U8K1f0ugrSI/AAAAAAAAQ94/V7GCBD85yPw/s200/jara.png” ]الجارة أم هديل[/author]