نزولا عند رغبة الاخت ايمان كنقدم ليكم اسهل بانيني بالكفتة و الطون بالصور
يمكن ليك توجديه كسكروط عند العصر او عشيوة الاسرتك
مقادير اسهل بانيني بالكفتة و الطون بالصور
كفيتة بقري قومتها بالبصلة مشلظة والعطرية والمعدنوس
كتشب +طونة +خبز بانيني +جبن شرائح( الخاص بالسندويتش) +مايونيز
طريقة تحضير اسهل بانيني بالكفتة و الطون بالصور
بطاطا فريت عملتها فبلاستيك ملحتها وضفت لها شوية طحميرة وشوية دقيق
ورجيتها مزيان حتى شفتها تخلطات مزيان وعملتها تقلى في حمام زيتي
سخون وحطيتها تستقطر الفائض دالزيت في ورق غدائي
الكفتة عملتها اصابع عراض وطيبتها فمقلة ناشفة حيث كطلق
الادام ديالها مبغيتش ندير معها زيت او زبدة اكتفيت بالماء ديالها وليدام
اللى كينزل منها..حمرتها على 2 جهات وعرفتها طابت.
دابا مبقى لي غي نعمر البانيني ديالي
حليت الخبز دهنته بصلصة الكتشب ثم حطيت الكفتة وعملت الفروماج
شرائح من فوق ….وديال الطون نفس العمليةغير قبل مندهن
بالكتشب خديت طريف دثومة حكيت بيه الخبز عادا باش دهنت
بالكتشب ثم طون ثم الفروماج والصور كتوضح كل شيء
عملت آلة البانيني تسحن وحطيتهم فيها وسديت عليها
لدقائق فقط مكاملة تى د 4 وهاهو واجد عندى
التزيين اختياري.انا اللى كان متوفر عندى زينت بيه
وكلة وحدة وتفننها في التزيين
بالصحة و الراحة
chokran tari9a dial lfrit 3ajbatni
oui hbiba tari9a lfrit ghzala bayna katji bnina ol panini khfif oldid bhal l3cha ila kan bnadam mazroub merci jartiiiiiiii
مليحة تهبل و تشهي
شكرا اختي كيبانو كايشهيو وخصوصا الطريقة البطاطا فريت