من موقع جاراتي كنقدم ليكم صابلي الثليجة بحلوة الكوك المعلكة بالصور
هد الحلوة كتجي زوينة فلمنظر و المذاق وهي مزيج
بين صابلي وحلوة الكوك المعلكة
مقادير صابلي الثليجة
125g زبدة أو ماركرين نوع جيد
نصف كاس سكر
2 صفار بيض
ملعقة حليب بودرة
فاني
الدقيق حسب الخليط
طريقة تحضير صابلي الثليجة
نخلطو الزبدة مع السكر وقبيصة الملح حتى يولي الخليط كريمي
ونضيف صفار البيض ثم باقي المقادير حتى نحصلو على خليط
لين ورطب , قطعنا العجين دوائر متكونش رقيقة بزاف
وندخلوهم يطيبو
مقادير حلوة الكوك المعلكة بالصور
بالنسبة لوريدات الكوك غنحتاجو
3 بياض البيض + فاني+
شوية قشور الحامض+
3 أو 4 معالق سكر+ 140g كوك
طريقة تحضير حلوة الكوك المعلكة بالصور
نخفقو بياض البيض مع السكر والفاني حتى يولي ميرانك ثم نضيف
الكوك وقشرة الحامض ونزيد معلقة زيت نخلط بالملعقة ونخليها
خفيفة بحيث نخرجها بالبوق على شكل وريدات صغار
وندخلهم يطيبو
منين يطيب الصابلي ويبرد نوضعو فوقو القليل من الكنفتير لي غليناه
شي دقيقة مع شويةا لسكر كلاصي هاد العمليةباش يجي معلك
ويبقى ثابث فوق الحلوى وميسيحش ونلصقو فوقو وريدة الكوك
ونرشو رشة خفييييييفة فوقهم بالسكر كلاصي
والصور توضح ذلك
بالصحة و الراحة
Rzala tbarklah3lik bara ndirha incha alah
wach akhti dal lkhalit li blkook hta howa ntiybouh m3a sabli jawbini lah ykhalik ra 3ajbatni lhalwa bghit njrabha
السلام عليكم ورحمة الله وبركاته
باقية انتظر تردوا على سؤالي بخصوص كم مقدار الكاسات اللي تستعملوها للسكر والزيت ولغيرهم-أرجوكم حاولوا تردوا علي في أقرب وقت
ودمتم لنا يا الحادقات – أم سلطان-
السلام عليكي ورحمة الله وبركاته -جارتي حنان-نعم حتى هي -وردات الكوك -تدخليها للفرن -من 10 لين 15 دقيقة بالأكثر -يصيرلونها ذهبي فقط وتخرجيها
ما تحتاج وقت لأنها مكونة فقط من بياض البيض والسكر والكوك وقشرة الحامض -بالصحة والراحة-
salam. goli li bhalach marka zabda bdon margarin
و عليك السلام اختي يمكن لك ديري زبدة ديال لعبار