جاراتي السلام عليكم
وصفة اليوم هي منقولة من كتاب السيدة رشيدة امهاوش ، و هي وصفة تحضير كيك بالتمر و الشكلاط . الوصفة بالصور طبعا و بالشرح الوافي
مقادير كيك رشيدة امهاوش ( كيك التمر )
المقادير : 3 البيضات + كاس سنيدة + كاس دقيق ابيض + 2 خميرة الحلوى + ربع كاس زيت + ملعقة كبيرة قرفة + ملعقة صغيرة سكنجبير + كاس كركاع مقطع قطع صغيرة + كاس تمر مقطع قطع صغيرة + 250 غرام شكلاط
طريقة التحضير المصورة
في اناء نضربوا البيض + سكر بالضراب الكهربائي حتى نحصلوا على كريمة ونخلطوا الخميرة مع الدقيق ونضيفوها مع الزيت + القرفة + سكنجبير
ومن بعد نضيفوا التمر والكركاع ونحركوا بملعقة
ملي وجد لينا الخليط ندهنوا المول بالزبدة ونرشوه بالدقيق ونصبوا فيه الخليط وندخلوه الفرن الساخن بدرجة 180 تقريبا 45 دقيقة
هادا شكل الكيك قبل منزينوه
ولتزين الكيك ندوبوا الشكلاط…وندهنوه ونرشوه بشعريه الشكلاط و نزوقوه بالكركاع على حسب الشكل اللي بغيتوا
بالصحة والراحة
rani jrebtha walakin makatbghich tetl3 b7al kika 3adya
jarabtha omatal3atch liya kima sora
يمكن اختي ما درتيش المقادير او الطريقة كيفما مكتوبة
SAHA T00000B