حبوباتي واخواتي في الله اشخباركم نتمنى من الله تكونوا في احسن الاحوال انتوما وعائلتكم
وكل عزيز عندكم يارب امين
ياله نمشيو لمقادير الوصفة وطريقتها وصراحة تتجي زوينة وتصلاح للوليدات
خصوصا انا متكونة غي من الحمص يااكلوها وهما معارفينش شنو تياكلوا
بسم الله وعلى بركة الله
معقودة بالحمص مفزك و مطحون بالصور
مقادير معقودة بالحمص مفزك و مطحون بالصور
نصف كيلو حمص مرقد ليلة كاملة فالماء ومستقطر مزيان
بصيلة صغيرة مقطعة
3 دريسات توم
شوية القزبر
طريقة تحضير معقودة بالحمص مفزك و مطحون بالصور
ناخد الخلاط الكهربائي ونعمل البصل والحمص والتوم والقزبر ونطحنهم مزياااان
نزيد معلقة كمون ابزار ملح
نخلط الكل مزيان بحال الا تنعجنوا
نعمل كويرات على شكل معلقة راه دغيا تتاخد الشكل تاعها
نعمل الزيت يسخن مزياااان ونبدى نقلي فالمعقودة
هنا غنوجد لاصوص لي تتمشي معاهم
كاس زيت كاس حليب ملح ابزار دريس ثوم وشوية المعدنوس
تنعمل الحليب والثوم والملح والابزار ونضور الخلاط نخدمهم مزياااااااان من بعد نضيف
الزيت تدريجيا والخلاط خدااام حتى نحصل على لاصوص يااما خاترة او خفيفة
المهم حسب الرغبة ملي توجد نزيد المعدنوس ونضور غي شوية تخدم الماكينة وصااافي نحتافض بيها
نوجد الحشوة ديالي لي تتمشي مع معقودة بالحمص مفزك
شوية ليشو او مايسمى بالكرم مقطع رقيق
مطيشة مقطعة رقيق
وبالطبع لاصوص لي وجدت من قبل والمعقودة والخبز العربي او البطبوووط ديالنا غي هو خصوا
يكون رقيق بزززاف انا هنا استاعنت غي بالخبز العربي اختكم الوقت تيجري وممساعدنيش
نسرح الخبز نعمل شوية ليشو
نزيد مطيشة
نطويهم وندخلهم غي شوية لالة البانيني يتحمروا
وهاهما وجدوا بالصحة والراحة
نتمنى تجربوهم ويعجبوكم كيف عجبوني اعجبوا وليداتي
هده الاكلة شبيهة بالفلافل اللبنانية ولكن نزيد القزبرة الخضرا والبقدونس والشبت والقزبر اليابس مطحون وقبل القلي نزيد خميرة الحلوى ونجعلها كويرات متل الغريبة ونبططها ثم نقليها في ا لزيت معتدل الحرارة لكي تنضج من الداخل وهده الاكلة شعبية في مصر لكن بدل الحمص يكون الفول اللدي نعمل به البيصارة ننقع الفول في الماء ليلة كاملة او نجعل نصف الفول ونصف الحمص ونتبع نفس الطريقة في التحضير ونقلي البدنجان وصلطة من الخص والطماطم والخيار وتاكل بالخبز المغربي العادي وهي معروفة وشعبية في الدول العربية وخاصة مصر هي اكلة الفقراء وايضامفيدة لانها تحتوي على البروتينات
سلام عليكم و رمضان مبارك
كما تفضلت الاخت نزهة مصطفى ان هدة الاكلة معروفة في الشرق خاصة منطقة بلاد الشام ومصر
اكلة غنية و تعتبر وجبة كاملة لكن عندي ملاحضة انه من الضروري جدا التاكيد على االبيكاربونات او خميرة الحلوى قبل القلي بعشرة دقائق
لانه في حالة عدم اضافتهما فكويرات الحمص او ما يسمى بالفلافل من الصعب اكلها
لانها ستكون يابسة او قاسية
اي تفسير انا مستعدة للتوضيح
وعليك السلام اختي ام ياسين نشكرك جزيل الشكر على هذه الاستفادة ورمضان مبارك سعيد
salam o3alaykom lah i3tikom saha ya lhadgat saraha ntoma tbakhat mahirat
Hit ghir kana9liha ou kaddob katwalli bhal dgig Sarah ndamt fach jarrabtha ou samho liya ana Galt wasfa dialkom na9asha chihaja ya imma bayd ola dgig ‘Salamalikom Khti jarrabt wasfa makatasda9ch walooooc
Wasfa yamkan na9asha chihaja raha makatasda9ch fil 9 alyan katwalli jarya bhal soupe fil ma9la