الروز بالباذنجان و الطماطم طبق جديد و لذيذ جدا بالطريقة و الصور

السلام عليكم جارتي
وصفة الروز بالباذنجان و الطمامطم
وصفة مختلفة وجديدة ومذاق
جد شهي وطريقة التقديم رائعة

الروز بالباذنجان و الطماطم

نبداو بسم الله  

مقادير الروز بالباذنجان و الطماطم :

نصف دجاجة
نصف كيلو روز كلاصي
2بصلات
4ضروس ثوم
معدنوس
ملح
 إبزار
سكينجبير
قرفة
خرقوم بلدي
سمن
أعواد قرفة
مطيشات
2دنجلات
زيت
للتزيين :
حبات لوز مقليين 


طريقة تحضير الروز بالبادنجان و الطماطم :

فمقلة كنديرو الدجاج و العطرية و الربيع
و الثوم المدقوق و البصلة مشلظة والزيت

ونقليوه مزيان ثم كنضيفو ليه نصف كأس
ديال الماء ونخليوه الدجاج يطيب على

نار مهيلة

منين يطيب الدجاج كنشحروه مزيان نحيدو منو المرق
وكنحيدو ليه العظم ونقطعوه من بعد كناخدو البادنجان
والطماطم نقطعوهم دوائر وندهنوهم بشوية زيت الزيتون
ونرشوهم بشوية الملح وندخلوهم للفران يطيبو

من بعد نطيبو الروز نصف طيبة فالما و شوية الملح
نصفيوه وندهنوه بشوية الزبدة
ونديروه في الكسكاس يفور

ملي يطيب الروز كنخليوه ياخد درجة حرارة المطبخ
وكنديرو ليه شوية الزبدة وشوية السكر كلاصي
وممكن منديروش السكر ونخليوه مالح


ونستفو البادنجان في الكسكاس ومن الجناب

وكنضيفو فوقو نصف كمية الروز و شوية المرق

 ومن بعد قطع الدجاج

ثم قطع الطماطم

ومن فوقها الروز المتبقي والقليل من المرق


وفي الأخير كنديرو شرائح البادنجان
المتبقية من الفوق

وكنرجعوه يسخن في الكسكاس وكنقلبوه فطبق التقديم
ونزينو الروز بشوية اللوز مقلي

هاهو الروز بالباذنجان و الطماطم  واجد
بالصحة و الراحة كنتمنى تجربيهم جارتي 

6 تعليقات

اترك رد

Do NOT follow this link or you will be banned from the site!