اسياخ صدر الدجاج مشويين في الفرن مع بطاطس في الفرن مرفق بارز متبل 💛
🍁
طريقة الدجاج
مقطعة صدر الدجاج لمكعبات و نزيد فوقهم قسبور و ثوم بودرة ،توابل الدجاج،ملح،ابزار زعتر ،شوية زيت ،
ندخلهم فاسياخ مع قطع الفلفل و تدخلها للفرن
طريقة البطاطا
نقطع البطاطا و نسلقها لمدة 5 دقائق نخليها تبرد من بعد نزيد عليها الثوم ،ملح ،ايزار ،شيلي بودرة، زعتر محكوك ،زيت الزيتون ، تحميرة ، و موطارد وندخلها للفرن
طريقة الأرز
نسلق الارز مع مكعب مرق الدجاج او الخضر ، قليل من الملح و زعفران من بعد تصفيه من الماء جيدا ونشحرو في مقلاة مع شوية ديال الزبدة و الزيت ،ابزار قسبر و معدنوس نشحرهم مزيان
بالصحة و الراحة متبخلوش عليا باعجباتكم و تعالقكم ❤️❤️
ترك تعليق