المقادير والطريقة
خديت حبة بصل مقطعة رقييييييق مع حبة فلفة حمرة وحبة فلفلة خضرة شحرتهم مع ملح وزيت زيتون وملعقة زبدة حتى نزلو وضفت علبة شامبينيو مقطع وملعقتان كبيرتان قزبر ومعدنوس وتوابيل لي هي ملعقة صغيرة سكن جبير ملعقة خرقوم ملعقة تحميرة وهريسة حسب رغبة وراس ملعقة ابزار وملعقة صغيرة مركز طماطم خلط كل وطفيت عليها وخليتها على جنب وخديت كمية من سمك ابيض مقطع مربعات ضفت ليه شوية قزبر ومعدنوس وتلاتة فصوص من تومة محكوكة وملح وابزار وشحرتو بشوية زبدة وزيت زيتون على نار عاليا وخليتو على جنب ونفس طريقة مع كروفيت وكلامار انا كمية لي درت ديال حوت قليلة ممكن دزيدو الى بغيتو دجيكم فيها حوت بزاف وخديت شعرية صنية ضفت عليها شوية ملح مع شوية زيت وماء غليان خليتها 5دقائق وصفيتها وقطعتها وضفت عصير حامضة مع نص حامضة مصيرة قطعتها صغيرة وضفها مع مكونات وملعقتان كبيرتان من صلصة صوجا وحكيت شوية جبن احمر ضفتو وخلطت مكونات مع بعضها جيدا ودوقت ملح وحار الى كان خاصها نزييد حسب حاجة وخليتها على جنب وعجنت عجينة مسمن عادية لي هية نصف كيلو دقيق فورص ملح ملعقة صغيرة سكر وجمعت كل بماء دافئ ودلكتها قليلا وخليتها ترتاح وشكلتها الى8كويرات ودهنتها بزيت وخليتها ترتاح شوية وبديت كنسرحها ونرش زيت وخديت لاطة ديال فران دهنتها بزيت وحطيت عجينة الأولى ديالي من بعد مرشيتها بزبدة وسرحت تانية وحطيتها عليها وضفت تالتة وتم رابعة ونا كنزيد زبدة وزيت وضفت حشوة الحوت والشعرية وضفت جبن سندويشات من فوق وغلقت عليها لعجين لي فجوانب وبديت كنسرح كوات الأربعة المتبقية ومع رش بزيت وزبدة بين كل طبقة وقلبت في طبق آخر وقديت عجين زائدة سرحتها جيدا مع دهنها بزبدة وزوائد قطعتهم وحيتهم ورجعتها الى صفيحة ديال فرن ودهنت الوجه بقليل من زبدة مع زيت وقليل من هريسة وتحميرة ودخلتها للفرن ساخن على نار مهييييييييييلة باش دجي مورقة من داخل وماتكون معجنه تقريبا خداتلي 1ساعة في فرن وبصحة وراحة
ممكن لي عندها توابل بسطيلة ضفهم يعطيو مذاق رائع
ترك تعليق