مساء الفل والياسمين والورد احبتي في الله
عشاق حلوة التمر هادي غتعجبكوم بزاف👌👌👌👌سهلة جدا وكتخرج كمية كتيرة وبدون تعب
الوصفة
العجين :
في إناء نخلط 125غ زبدة لدة.مع 3ملاعق كبار سكر صقيل نخلط جيدا تم نضيف ربع كأس زيت. صفار بيض نعاود نخدم جيدا هاد الخليط نضيف350غ دقيق.2ملاعق ماء الزهر.راس ملعقة خميرة الحلوة. قبصة ملح.رشة جوزة الطيب نجمع العجينة نقسمها نصفين ونعملهوم في التلاجة
عجوة التمر:
ناخد250 غ عجوة التمر تباع جاهزة نزيد معاها ملعقة كبيرة زبدة.ملعقة ماء زهر.ربع كأس سمسم. نصف ملعقة قرفة رشة جوزة الطيب نجمع العجين جيدا تم نطلقها بين جوج بلاستيكات مدهونين زيت نعطيها شكل مستطيل ونحتافض بيه في التلاجة نصف ساعة
من بعد ناخد العجين نطلق الكرة الاولى فوق بلاستيك نعطيها شكل طولي نعمل تقوب نضع فوقها عجينة التمر تم نطلق العجين التانية ونعملها من فوق يعني غتولي طبقة عجين طبقة تمر طبقة العجين على العموم الطريقة موضحة في الستوري حتى نكمل ندهن الوجه بابيض بيضة ونزين برقائق اللوز تم نقطع مربعات او مستطيلات وندخلها طيب في فرن ساخن النار من تحت ربع ساعة عاد نشعل من الفوق تاخد لون دهبي وتكمل ااطياب كيف تخرج ندهن الوجه بالناباج
ترك تعليق