مقادير العجين:
500غ دقيق ابيض
بيضة
ملعقة صغيرة ملح
ملعقة كبيرة خميرة فورية
ملعقتين سكر
فاني
ربع كاس زيت نباتي
ملعقة كبيرة ونصف زبدة بحرارة الغرفة
خميرة الحلويات 8او7غرام
حليب دافئ لجمع العجين
الطريقة:
فإناء اوعجانة نضع الدقيق بيضة ملح سكر فاني زيت خميرة فورية وخميرة الحلويات حليب دافئ ونعجنو الخليط وندلكوه مزياان قوام العجين يكون مرخوف تم نضيف ملعقة ونصف زبدة وندخلها مزيان فالعجين ونغطيه ونخليه يخمر مزيان ملي يخمر نخرج الهواء من العجين ونقسمو على جوج ناخد نصف العجين نطلقو بالمدلك على شكل متطيل بمساعدة الدقيق وندهن وجه العجين بمربى المشماش ورش المكسرات أنا درت اللوز محمر بقشورو والزبيب ونروليه ونقطعو بمساعدة الخيط ونضعهم فطاوة الفرن وندهنهوم بصفار البيض ونخليهم يخمرو مزيان وندخلهم لفران ساخن شاعل من الفوق والتحت على درجة حرارة 170 وملي نخرجهوم ندهنم بالناباج او الكونفتير ورش عليهم اللوز الطريقة موضحة بالصور
بالنسبة للنصف الاخر نطلقو بالمدلك على شكل دائرة ونقسمها متلثات وندير شوية الشكلاط ونشكلها على شكل كرواصة وندهنها بصفار البيض ونخليهم يخمرو مزيان وندخلهم لفران ساخن شاعل من الفوق والتحت
ترك تعليق