السلام البنات، فالحقيقة جارتنا ايمان طلبت مني بايلا بالدجاج سهلة واقتصادية
واليوم وجدتها لعشا للدراري جات بنينة وهاد البايلا صحية أيضا
المهم المقادير والطريقة:
فوق عافية متوسطة،نشحرو بصلة محكوكة وزوج مطيشة تاهما محكوكين،
وثومة محكوكة،ومعدنوس مقطع ، مع الزيت العود والمائدة،
والتوابل: ملح،ابزار سكينجبير كركم شويش طحميرة زوج حبات هيل (قعقلة )
،شوي قرفة،معلقة كبيرة مطشة دالحك،ورقة سدنا موسى،وضامة دالبنة،
منبعد نزيدو طراف الدجاج،نشحرهم 5دقائق،
ونزيد الخضرة كاملة:
جزرة محكوكة،شوي جلبانة،فلفلة خضرة مقطعة،وممكن ديري الوان،
ونمرقو بالماء حسب الروز،نسدو عليها لمدة 10دقائق،
من بعد ندوقوها ،ونزيدو الروز،ونقصو العافية تكون مهيلة ونخلوها تا طيب وتنشف
ونزينوها بالحامض مصير ،الفلفلة الوان مشوية ومقطعة شرائح،
قبل من زينوها ندخلوها لفران تحمر شوي
وبالصحة والراحة بايلا بالدجاج سهلة واقتصادية ليك وللعائلة
Bsahtk akhti ghiji zwin khastn mli lih twabil bhal lhil ol9erfa
متصوريش شحال فرحتيني ونا فهاذ المحنة مللي لقيتك مفكراني راه بحال إلا المغرب كامل سول في..دعي معاي نرجع لداري و لبنتي على خير و أكيد غنوجد ليهم لبايلا ديالك…شكرا بزاف
سلام حبيبة ايمان،مالك ياك ماكاين باس،تكايسي على راسك شوي،والله اجمع شملكم فأقرب وقت انشاء الله ياربي،غيصبري دبا تفوت هاد المحنة وبقى كولشي غي تعاويد ،الله اصبرك احبيبة وقويك.
الله يفرج كربك يا اختي ايمان ويجمع شملك على خير مع بنتك تسلحي بالصبر والصلاة وقراءة القرآن وما يكون غير الخير اختي ..
Salam akhti tbarkalah 3lik bayna ldida
الله ابارك فيكم،أجارتي واحفظكم.
chokran lik akhti
وصفة هائلة وبنينة اللّٰه يعطيك الصحة عجباتني وغادا نجربها
تبارك الله عليك
TBARKLAH 3LIK AKHTI IMANE NCHAALLAH TKOUI 3LLA KHIR YARBI WLLAH TWA7ACHTAK BZAF
lah y3tik seha ana jrbtha db jat fena