كيك على شكل ملعب

كيك على شكل ملعب لذيذة جدا 12

كيك على شكل ملعب محضر بطريقة متقونة لتحضريه جارتي
في المناسبات الكروية المتوجة النجاح مدام كل بيت لا يخلو من مشجع
لهذه الرياضة الرائعة والكيفية جد سهلة واقتصادية وايضا
مدة التحضير ليست بطويلة
نتوكلو على الله

كيك على شكل ملعب

المقادير :

لثلاث قطع جينواز :
9 البيضات كبار
160 غرام سكر سنيدة
160 غرام طحين
خمارة ديال الحلوة
حامضة محكوكة او خنيشة سكر الفاني
للحشو :
كريمة الزبدة
لسقي الكيك :
سيرو الخوخ معلب
للتزيين :
قشدة طرية
كوك
ملون اخضر

طريقة التحضير :

اول حاجة نوجدو الجينواز ديالنا كنطربو البيض مزيان مع السكر كنزيدو
عليه الفاني او قشور الحامض ونبقا نطرب بالطراب الكهربائي
حتى يولي الخليط على شكل رغوة كثيفة من بعد نغربل الفرينة
مع كيس الخميرة مرة قدما كان اكثر كان احسن ونزيدو على الخليط
ديال البيض والسكر ونبداو نحركو بمعلقة كبيرة وفي اتجاه واحد وبشوية
باش ميخسرش لينا الخليط ديالنا ونتاكدو بلي الطحين تخلط مزيان مع
الخليط وقسمت الخليط على 3 الاجزاء وكل جزء طيبتو بوحدو
وملي طابو خرجتهم ودرتهم فمنديل ديال التوب ولويتهم حتى فترو
شوية عاد فكيتهم ملي وصل وقت الحشو والتزيين

ونكونو وجدنا من قبل كريمة الزبدة

وفالتاني كناخدو سيرو ديال الخوخ معلب
وكنسقيو بيه 3 قطع ديال الجينواز بفرشاة

نجيبو طبق التقديم نحوطو فوقو
القطعة الاولى وندهنوها بكريمة الزبدة

ونفس الشيئ بالنسبة للطبقة الثانية كنسقيوها
بسيرو الخوخ ونحطوها فوق الجينواز الاولى
وندهنوها حتى هي بكريما الزبدة

والطبقة الثالثة حتى هي نفس نسقيوها ونحطوها
وندهنوها بالكريمة ومن بعد نغطي الكيك كامل بكريمة الزبدة

وندخلها للثلاجة مدة كتفوق 2 سوايع حتى الكريمة
كتشد راسها عاد نخرجها ودابا وصلنا لمرحلة التزيين
كنجيب الموس باش كنسرح الكريمة كنديرو فاناء كيكون فيه الماء البارد

وكندوزو على الكيك باش يتقاد الشكل ديالها

ومن بعد نجيبو القشدة الطرية نطربها
مزيان حتى تولي كريما

ونغطي بيها الكيك كامل ومزيان

واخر مرحلة كناخد 2 اطباق كنقسم عليهم الكوك
كندير فيهم الملون اخضر غير واحد كيكون لونو خفيف
والثاني لونو قوي ناخد لي لونو فاتح

ونغطي الكيك بيه

ونجيب ورقة ونقطعها على شكل مستطيلات
ونحطها فوق الكيك

مابين كل وحدة و وحدة مسافة وكندردرو
الكوك لي لونو غامق

فوق الاماكن لي مفوقهمش الوراق وبكاس كنحددو
مركز الملعب ومنطقة العمليات

ونزينو جبان بالقشدة الطرية وممكن ناخدو لاعبين
وكورة مصنوعين من الحلويات ونزيدو نزينو بيهم الملعب
غيعطيو جمالية اكثر كيك على شكل ملعب

كنتمنى يعجبكم وتجربوه بالصحة والراحة

ومتنساوناش من صالح دعائكم وصاحبة الوصفة
ولاغلى الناس بالشفاء العاجل
المصدر : صفحة الفايسبوك كدها بالفعل

12 Comments

  1. السلام عليكم
    مممممممم يعطيك الصحة و تسلام إديك على الكيكة راهي تشهي بارك الله فيك

    1. زوين بزاف تبركل عليك زوين عجبت حت ماما

      غير معروف
  2. 7olwa bezzaf … chokran

  3. تبركل عليكم يا المرأة المغربية أنا معجبة بموقع جارتي حلويات بمية نجحين

  4. أنا زهيرة التي تبعت المساجات غير معروف

  5. سلام حدكات المرأة المغربية

    1. وعليك السلام اختي مرحبا بيك

      جارتي المديرة
      1. شكرا أختي المديرة

  6. أهلا و سهلا مديرة

    زهيرة البحتوي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *