كيك الشوكولاتة بثلاث نكهات

كيك الشوكولاتة بثلاث نكهات مذاق شهي و شكل روعة 31

السلام عليكم جارتي اشنو رايك اليوم
نجربو نوع من افخم انواع الكيك واشهاها
كيك الشوكولاتة بثلاث نكهات
توجديه يحمر ليك وجهك قدام ضيافك

كيك الشوكولاتة بثلاث نكهات

نبداو بسم الله

مقادير كيك الشوكولاتة بثلاث نكهات :

مقادير الطبقة الاولى:
200 غرام شكلاط  اسود
6 معالق كبار زبدة
3 ارباع معلقة صغيرة مسحوق اسبريسو
80 غرام سكر بني
قليل من الملح
4 البيضات
معلقة صغيرة و نصف فانيلا


مقادير الطبقة الوسطى :

350 ملليلتر قشدة طرية
معلقة كبيرة سكر سنيدة
2 معالق كبار كاكاو بودرة
5 معالق كبار ماء ساخن
200 غرام شكلاط اسود
ربع معلقة صغيرة ملح

مقادير الطبقة العليا و الاخيرة :
170 غرام شكلاط ابيض
معلقة كبيرة ماء
350 مليلتر(كاس و نصف) قشدة طرية
3 ارباع معلقة صغيرة جيلاتين بودرة

للتزيين :
شكلاط ابيض وشكلاط اسود دايبين
حبات التوت
القليل من الشكلاط محكوك

طريقة تحضير كيك الشوكولاتة بثلاث نكهات:

طريقة تحضير الطبقة الاولى :

في اناء زجاجي كنديرو الشكلاط انا
ختاريت شكلاط الحجم ديالو صغير
و الزبدة و مسحوق اسبريسو موجود
في جميع المحلات التجارية و هو
مسحوق القهوة الناعم ونديروهم
في المايكرويف او حمام ماري
ملي كيوجد ونخليوه ياخد درجة حرارة

المطبخ فنفس الوقت نعزلو اصفر البيض
على الابيض وناخدو اصفر البيض نديروه
في اناء ونزيدو عليه الفانيلا و نخلطوهم مزيان
ونزيدوه على الشكلاط ونحركوه مزيان

حتى كيولي خليط متجانس وفي اناء اخر كنطربو

ابيض البيض بالطراب الكهربائي معاه الملح لمدة 30
ثانية بالسرعة القصوى نزيدو عليه نصف كمية السكر
البني و نطربو لمدة 30 ثانية اخرى ونزيدو الكمية المتبقية
من السكر ونطربو لمدة دقيقتين وهاهوا ولا عندنا كريم جاهز

ناخدو خليط الشكلاط لي كنا صيبنا ونضيفو عليه ثلث الكريم

و نخلطو وملي يولي متجانس كنزيدو الكمية المتبقية

ونخلطو مزيان حتو يولي خليط متجانس

ونكوبوه فالمول ديالنا ويكون كيتفك من جناب وندخلوها الفران.

وهاهيا ملي خرجات

طريقة تحضير الطبقة الثانية :
اولا كنخلطو الماء و الكاكاو بطراب يدوي

و الشكلاط نديروه فالمايكرويف حتى كيولي سائل

في اناء

كنطربو القشدة الطرية مع السكر سنيدة و الملح
حتى كيولي عندنا كريمة

وكنزيدو خليط الكاكاو على الشكلاط لي دوبنا
فالمايكرويف

و نخلطو مزيان ونزيدو عليه ثلث الكريمة المخفوقة

ونخلطو مزيان من بعد نزيدو الكمية كاملة

ونخلطو مزيان ونكبوه فوق الطبقة الاولى

ونسرحوها فوقها وندخلوها الثلاجة لمدة 30 دقيقة حتى تشد فراسها

طريقة تحضير الطبقة العليا:

ناخدو الجيلاتين نخلطوه مع الماء جيدا

ونخليوها 5 دقائق ونسخنو نصف كاس قشدة طرية
ونكوبوها فوق الشكلاط الابيض ونزيدو عليها جيلاتين

ونحركو مزيان حتى كيولي خليط متجانس جيدا

ونطربو القشدة الطرية بالطراب الكهربائي حتى كيولي كريم خفيف وناعم

ناخدو الثلث ديالها نزيدوه على الشكلاط ذايب

حتى كيتمزج جيدا و نزيدو الكمية المتبقية من  الكريمة

ونكوبوها فوق الكيك ديالنا

ونسرحوها مزيان باش يبان الوجه ديالها مقاد
وندروها فالثلاجة من 2 تال 3 ساعات

مرحلة تزيين كيك الشكولاتة بثلاث نكهات :


كنستفو التوت ديالنا فوق الوجه ديال الكيك

و الوسط وشوية الشكلاط محكوك الوسط


ونديرو خطوط بالشكلاط الاسود دايب فالجيب الحلواني

ونعودو من حداه الشكلاط الابيض

وهاهيا كيك الشوكولاتة بثلاث نكهات بالصحة و الراحة


31 Comments

  1. Slm merci 3la hah les beau gateau li katdiri franchement bravo brit nsawlek ahla tabaka tania wach makathtach l gelatine okatbka chada frasha

    1. نعم اختي لبنى كتيقى شادة فراسها غير جربيها رها غدي تعجبك

      1. عائشة

        تحية و احتراما.’
        وصفات و اطباق شهية و مجهودات جبارة بالطريقة الموصوفة جد رائعة .
        شكرا لكل الساهرات و العاملين في الموقع ، و مزيدا من الاجتهاد و الابتكارو الابداع من قبل المشاركات و المساهمات الف تحية و تقدير .
        ادعوا الله ان يجعل اجتهاداتكم التي تقدمونها لكل الممبتدئات في مجال الطبخ او الحلويات او ..في ميزان حسناتكم..
        و اتمنى ان ييحتل الطبخ المغربي بكل اصنافه المرتبة العليا و الاولى عالميا.
        و انا من المعجبات بهذا الموقع . و مرة اخرى شكرا لكم جميعا..

        1. شكرا حبيبة عائشة الله تكثر من امثالك

          جارتي المديرة
  2. 3andi soal akher ila jat 3la khatrek ana 3andi ri gelatine dyal maghrib machi rabra wach yji fiha o stp kifach ndir lih allah yjazik bikhèr 3ajbatnii wbrit njarabha è surtout lahakach rajli kaybri fhal had lè gateau

    1. دوبيه في شوية الماء

  3. 3afak a5ti fin n9dar l9a tout?

  4. Assalamu alaykum warahmato Allah, bghit na3raf wach jarrabtiha, iwa kif jatlak? Aji ba3da wach tlabti man dik li 3amlat dik tarta al2idn bach adiri tsawar dialha hnaya f almaw9i3 dialk? hadchi binatna hit 3arfa ila commantaire diali makhadichi adirih wa choukran!! ta9o Allah !!

  5. salam jarti achnahowa asbirso wala ma3rf achno smito wach momkin tgolili smito b frence 3afak o jilatin wach ns m3l9a wala mafhamtch wach mayamkanch ndiro tb9a lbida flwast

  6. 3afak akhti jaobini sawalt chhal mnsoal hna majawabni had wach taba9a lola mafihach thyin wach momkin n3awad asbriso b niskafi

    1. سلام اختي سارة لا مافيهاش طحين ويمكن ليك تعوضي اسبريسو بنيسكافي

  7. jilatin bodra wach yamkali ndir sachi dyal 2 grm o niskafi wach ns m3l9a srira wala wach ndawabha flma

  8. نعم ديري ساشي تاع 2 غرام و نيسكافي معلقة صغيرة و بلا مذوبيها فالما رها غدي ذوب مع الشكلاط

  9. wakha chokran jartiikankatar 3lik bazaf flasila chokran jazaki llahhhh khairan inchaalah

  10. Choukran rah jat zwina Allah y3tik assa7a

  11. TBRKLAH 3lik jat zzzzwwwinnna

  12. salam alikom akhti 3afak akhti wach momkin nastarnao 3la jilatin ya3ni mandirohach ratji mazyan la 3afak jaobini

    1. لا اختي جيلاتين ضروري

  13. أنا جربت اليوم هاد الوصفة ديالك بمناسبة عيد الحب وعملتها في مول عل شكل قلب جأت غزالة وعجبات راجلي كانشكرك بزاف والله يعطيك كل ما كتمناي الله يفرحك كفنا كا دخلي علينا الفرحة

  14. الله يعطيك الصحة هاد الكيك زوين بزاف ممكن توري ليا فين غدي القى مسحوق إسبرييسو حيت معمرني شريتو شكراً.

  15. السلام عليكم ورحمة الله وبركاته الله يعطيك الصحة هاد الكيك زوين بزاف ممكن توري ليا فين غدي القى مسحوق إسبرييسو حيت معمرني شريتو شكراً

  16. bayna ladida lah i3tik saha

  17. Alah u3tik saha
    3afak bach n9dar n3wdo gilatîn hit makainch 3ana gilatine halal Wa choukra

  18. salam okhti tbarkallah 3lik had lhalwa zwina bazzaf allah ihafdak anchaallah

  19. شكرا بزاف كتعطينا افكار رئعة اللّٰه يحفظك

  20. ghadi nhawale ndirha khasni najma3 al makadire ondirha inchaa allah

  21. يارب يزيد هد القناة كثير من الاشياء يارب

  22. Chokran bzaaaaaaaaaaaaaaf akhti

    1. ياربي امين

      جارتي المديرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *