كرواصة بالشكلاط

كرواصة بالشكلاط خفيفة وهشيشة من ام ندى 22

السلام عليكم جاراتي كيف الاحوال بديتو توجدو لرمضان ؟؟
وصفة اليوم من عند جارتنا لي جديدة معانا ام ندى كرواصة بالشكلاط
خفيفة و هشيشة و بمقادير جد سهلة وممكن يديروها
المتمكنات فالكوزينة و المبتدئات ايضا لسهولتها
نبداو بسم الله

كرواصة بالشكلاط

المقادير :

نص كيلو دقيق
4معالق كبار زيت
4معالق كبار سكر
ملعقة كبيرة خميرة
قبصة ملح
رابعة زبدة
4 معالق كبار نشا 
للتزيين :
 الشكلاط
اصفر البيض 
القليل من الحليب 
ناباج

طريقة تحضير كرواصة بالشكلاط :

فقصرية نديرو الدقيق و الزيت و السنيدة و الخميرة
و الملح ونعجنو عجينتنا بالما دافي  ونخليوها ترتاح

باش نورق العجينة كندير رابعة زبدة مخلطة
مع 4 معالق كبار نشا هدا هو سر ديالي باش كتجي
كرواصة بالشكلاط خفيفة وهشيشة .

ونسرحو العجينة ونديرو الخليط ديال الزبدة و النشا فالوسط 

نطويوها على 3

وندخلو العجينة للثلاجة 10 دقايق و نعاودو نفس العملية
ونخليوها ساعة فالثلاجة و عاد نخدمو بيها 

وفالمرحلة الاخيرة من تحضير الكرواصة
كنطلقو العجينة ونديرو الشكلاط

ونلويوها عادي و نستفوها فوق الطاوة مدهونة بالزيت
نخليوها تخمار وندهنوها باصفر البيض

مخلط مع معلقة صغيورة ديال الحليب

وندخلوها لفران غي نخرجوها من الفران وهي
سخونة ندهنوها بشوية الناباج وهاهيا
كرواصة بالشكلاط
بالصحة والراحة

متنساونيش من صالح دعائكم

جارتكم ام ندى 

22 Comments

  1. شكرا اختي على الوصفة كنتمناو تحطي المزيد من الوصفات تبارك اللّٰه عليك

  2. لي بغات تولي حادكة بحال الحادكات ديال هاد الموقع الرائعات اشنو خاصها دير ؟؟؟ تبارك الله عليك لالة انم ندى

    omoyasser omoyasser
  3. الله ابارك فيكم ان شاء الله كاين المزيد وتبارك الله على جارتي المديرة على هاد الموقع والمجهود لي كديرو باش نستفدو كاملين

    1. مرحبا بيك معانا اختي ام ندى نورتي الموقع الوصفة رااااائعة شكرا ليك

      1. الله ابارك فيك اختي

  4. Masahellah 3liki okhty bayna ldida . Lah yhfdak . Wech mafihach lkhmira merci pour cette magnifique recette . 😉

    1. بارك الله فيك اختي اه لدييدة وسهلة فيها ملعقة كبيرة خميرة

  5. Salam kheti 3afak bghitk ila momkin twdhili kter hit mafhemtch kifach 9olti n3awdo nefs l3amalia o ndkheloha l tlaja sa3a 3ad nkhedmo biha

    1. اعليكم السلام اختي yousra منين تورقي بحال لي فالصور مرة وحدة ديريها فالثلاجة وحد 10 د وحيديه من الثلاجة عودي نفس التوراق لي درتي لول وديريها ساعة فالثلاجة وجبديها خدمي بيها كيما بغيتي مثلثات او كيما درت انا نتمنى نكون وضحتليك .

  6. ya3tik saha oum nada

    1. بارك الله فيك اختي

  7. Lah ya3tik saha akhti 3andi wahd l idafa ana makandirch fiha had lkimiya kamla dyal zabda kanwra9ha rir mni kanbghi nalwiha bzabda mkhalta blmayzina osafi katji khfifa

    أم إسراء
  8. 3afak jarti achahowa ncha onabaj

    1. السلام عليكم النشا هو الميزينا و نباج هو ملمع للحلويات وﻻ معندك ديري كنفتير

      1. شكرا بزاف

        ام نسيمة لزهار الغاوي
  9. wasfa sahla o zwina

  10. يعطيك الصحة ام ندى ربي يحفظك

    ان شاء الله نجربها عن قريب

    كوثر أم لجين
  11. شكرا ام ندى

    ربي يحفظك

    ان شاء الله نجربها عن قريب

    كوثر أم لجين
  12. شكرا على الوصفات الرائعة والسهلة .جزاكم الله خيرا

  13. شحال هي رابعة زبدة بارك الله فيك

    1. رابعة زبدة هي 250 غرام

      جارتي المديرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *