اليوم جبت ليك جارتي فطائر محشوة بالخضر ، الوصفة نزولا عند طلبات الأخوات اللاتي طلبن فطاير سهلة بالخضار وصحية طبعا . نتمنى تنال اعجابكن واي طلب أنا في الخدمة
وصفة فطائر محشوة بالخضر هذه مشاركة من الاخت سوسو sousou-culinaire . الطريقة مشروحة بالخطوات المصورة ، وبالنسبة للمقادير ومكونات الحشوة فهي متوفرة في كل مطبخ
مقادير العجين :
450غرام دقيق
3 ملاعق كبار زيت الزيتون
ملعقة صغيرة ملح
نصف ملعقة صغيرة خميرة كيماوية
ملعقة كبيرة خميرة عادية
ملعقة كبيرة سنيدة
ماء دافئ نجمعو بيه العجينة
مكونات الحشوة :
3 بصلات
2 فلفلات
2 مطيشات
ملح، ابزار، خرقوم
3 ملاعق كبار زيت الزيتون
زيتون أسود للتزيين
أصفر البيض للدهن
الطريقة :
نخلطو مقادير العجين و نجمعوها بالماء دافي و نخليوها تخمر و يتضاعف الحجم ديالها
نقطعو البصل المطيشة و الفلفل قطع صغيرة، نشحروهم فالزيت و نديرو العطرية،
نزيدو كاس كبير ديال الماء و نخليوهم يطيبو علا خاطرهم، منين تطيب نخليوها تبرد
ناخدو العجين و نقسموه على 2، نسرحو العجينات بزوج بالمدلك بقياس اللاطة اللي غاندخلوها للفران،
نسرحو العجينة الأولى فاللاطة، نوزعو فوقها الحشوة
و نغطيو بالعجينة الثانية و نضغطو على الجناب مزيان،
ندهنوها بالبيض، نقطعو العجينة مربعات و فوق كل مربع نديرو حبة زيتون،
ندخلوها طيب فالفران على عافية مهيلة حتا تطيب على خاطرها و تحمر من الفوق،
نخرجو فطائر محشوة بالخضر ديالنا من الفرن
ونقدمها بالصحة و الراحة
MACHAALLAH KATCHAHI LAH Y3TIK SA7A AJARTI L3ZIZA
رائع جدا شكرا
Rai3
ماشاء الله
جد رائع صراحة
الله يعطييييككك ألللللف صحة
ياربي امين