القوق معمر بالكفتة

القوق معمر بالكفتة بالطريقة والصور 9

السلام عليكم جاراتي الغزالات ن شاء الله تكونو بخير
وعلى خير بما انه فهاد الفصل كيكون القوق متواجد
ولكن ممكن نحضرو بيه اطباق رائعة من غير الطاجين
وكيجي لذيذ جدا القوق معمر بالكفتة وطريقة التحضير
جد سهلة ان شاء الله يعجبكم وتحضروه لحبابكم
نتوكلو على الله ونبداو بسم الله

القوق معمر بالكفتة

المقادير :

6 حبات قوق
ربع كيلوغرام كفتة
فرماج محكوك
2 حبات طماطم
1 حبة بصل
1 معلقة كبيرة زبدة
حامض
ملح
أبزار

طريقة تحضير قوق معمر بالكفتة  :

المرحلة الاولى

ناخذو الحبات ديال القوق نحيدو ليهم القشور
والشعر لي الداخل ونصلقوه مع الحامض ومن
بعد فمقلة نديرو الكفتة طيب من بعد منديرو البصلة
تشحر فالزبدة ونزيدو عليهم الملح والابزار مدة 5 دقايق
ونزيدو مطيشة مقطعة مكعبات صغارين

وملي يجهز الخليط وينشف من الما ومن بعد
نعمرو القوق بالكفتة

ونديرو من الفوق الفرماج محكوك وندخلوها الفران
لمدة 20 دقيقة ونخرجوه ونقدموه بالصحة والراحة
ونقدمو القوق معمر بالكفتة

ان شاء الله تعجبكم وتقدموها لحبابكم وضيوفكم
ونالو نصيب من صالح دعائكم ولاعز الناس بالشفاء
العاجل ولصاحبة الوصفة الاخت فاطمة بكل خير
جزاها الله عنا كل خير في امان الله


المصدر : fatimato www

9 Comments

  1. رائع بزاف الله يعطيك الصحة والتوفيق

    1. باربي امين

      جارتي المديرة
  2. زوينة هاد الفكرة انا كانديرها بالبطاطا ماشي القوق.ولكن بالقوق احسن تبارك الله عليكم

    1. الله يبارك فيك

      جارتي المديرة
  3. ياربي امين حبيبة نجوى

    جارتي المديرة
  4. هاد الشي الزوين الله اعطيك الصحة

    1. ياربي امين

      جارتي المديرة
  5. ja l9ou9 ra9i fi mandar. ya3tik saha hbiba

    غير معروف
    1. ياربي امين اختي

      جارتي المديرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *