أمي تغار مني ولا تساندني

تبليغ
السؤال

يرجى شرح بإيجاز لمإذا تشعر أنك ينبغي الإبلاغ عن هذا السؤال.

تبليغ
‎إلغاء

السلام عليكم ،
غادا نحكي قصتي و بغيت مساعدتكم حيت صافي عييت أو مابقيتش قادرة نستحمل أكثر، أو معرفتش شنو خصني ندير، أنا في عمري 25 سنة، و لحد الآن مكنقدر ندير والو في حياتي مكنقدرش ناخذ قراراتي ماشي حيت أنا مبغيتش أنا عندي طموح كبيير و بزافت المشاريع و الأشياء لي باغا نحققها، …و لكن أصعب حاجة يكونوا والديك هما الحاجز اللي بينك و بين هادشي، ماكيخليوك دير والو، معمرني كنت نتوقع أن الأم تْغِير من ولادها، حتى شفت ماما ، انا كنعاود و مصدومة و كنبكي من هادشي اللي أنا عيشة فيه، إلا كنعاود ليها شنو باغا ندير مكتدعيش معاك و مكتقوليكش الله يسر أبنتي مكتجاوبكش و كتستهزأ منك و طيح من قدراتك، خوتي إلا شافتنا مجموعين كنهضرو كتقوليك كتهضرو عليا ممنوع علينا نجلسو مع بعضنا، حتى باش يكونوا عندي صديقات ميمكنش، بغيت نخرج مع صحاباتي تقولي نمشي معاك حتى أنا نخرج معاكم بغيت نخرج مع خواتاتي او العائلة نفس الشيء… و ديري لخاطر و تشقاي و دعي عليك عمرها تقول فحقك كلمة زوينة ، قتلاتنا بالدعا الخايب كون غير كنت خايبة اولا بنت الزنقة نقول ميهمش، و لكن باش تكون مزيان و تسمع هادشي من أقرب الناس ليك من الإنسانة لخاصها تكون حنينة فيك آش بقا، و بابا مكيقدرش يهضر قدامها واخا يشوف شي حاجة، و قدامو تعامل و تبين انها ضريفة، و ملي يدخل و هي تشكا عليه تقوليه لي كاين و لي ماكاين و من وراه معاملة آخرى، علاش … بابا كنت أنا الإبنة المفضلة عندو أو كيعاملني مزيان حيت عارفني كيف دايرة ولكن هي كتبقى تقولي علاش هو تبوسيه و انا لا علاش هو تشاوري معاه أو أنا لا …. مع العلم كنقوليها كلشي و لكن مكتجاوبكش و مكينش داك التواصل بين الأم و الإبنة ديالها…
كثرت عليكم دايما كنصلي و كنقول الله يهديها، هادشي غادي و كيتزاد و الوضع كيتأزم أكثر و أكثر … ممنوع نخرج نهضر حتى مع العائلة، ولا نمشي فين بغيت … حتى خوتي ماشي غير انا كتقوليهم تبعوها غادا تخرج عليكم، عيييييت و الله و مابقيتش عارفة شنو ندير نفسيتي تأزمت ديما كندعي الله يدير اللي فيها الخير، شفتي يوقع هدشي مع صديق و تسد عليه و تعيش حياتك مرتاح و لكن أقرب الناس ليك و اللي معاك في الدار و من المفروض يساندوك و يكونوا معاك صعيب و بزآآاف  . دابا قلت الحل الوحيد هو أنك تستقر بعيد عليهم باش هاكا تكون نتا مرتاح و حتى هما مرتاحين و تبقى مرضي معاهم و متسخطش و يبقى بيناتكم الإحترام ، … ولكن معنديش باش و لا كيفاش غادا ندير عاونوني عافاكم عاونونيي الله يجازيكم بخير كنحس براسي غادا نموت مخليت حتى حل و مفكرتش فيه من دون ميتأذى حتى واحد فينا، درت يوتيوب على أمل نجمع فلوس و نكري و هكا نبقا بعيدة كيف قلت ليكم حيت الحل الوحيد بالنسبة ليا و والو ، آشنو ندير نفسيتي تأزمت و تعبت

0
hayat 5 ساعات 0 الإجابات 2 مشاهدات 0

‫أضف إجابة

تصفح