حلويات حلويات العيد حلويات المناسبات حلويات دواز أتاي حلويات مغربية مطبخ جاراتي

فقاص بلدي بالزرارع والقرفة وسكينجبير

  فقاص بلدي بالقرفة وسكينجبير والزرارع
🔴المقادير
6 بيضات
جوج كيسان سنيدة
جوج كيسان زيت
شوية الملح
نصف كاس ماء زهر
جوج خمارات
3 معالق كبار زنجلان
جوج معالق كبار نافع
معلقة صغيرة قرفة
معلقة صغيرة سكنجبير
الدقيق الكافي لجمع العجين

الطريقة :

في كاس الخلاط درت البيض السنيدة الملح الزيت ماء الزهر القرفة السكنجبير خلطت كلشي وخويتو فقصرية ظفت الزرارع الخمارات والدقيق الكافي لجمع العجين مهم تكون رطبة وما قاصحاش حيث الا كثار الدقيق هو لي كيخلي الفقاص يطرطق الجهد لي تكون مجموعة ورطبة وبلا ما تلصق فاليدين شكلتها لكرات من بعد شكلتها على شكل الباكيط حطيتهم فلاطة مفرشة بورق الزبدة بسطتهم شوية بيديا و خديت معلقة صغيرة كاكاو ظفت ليها شوية القهوة والحليب خلطت داكشي ودهنت الباكيط ديالي من بعد خديت فورشيط دوزتو فوق منو لتشكيل دوك الخطوط و خديت ليرة معقمة ثقبتهم ودخلتهم للفران بارد شعلت العافية من التحت وتكون منقوصة مزيان و خليت باب الفران مبسم حتى بان لي انه طاب من التحت كنقيصو بصبعي كنلقاه قلبك راسو عاد شعلت الفوق غير شوية وخرجتو غطيتو وخليتو بات ليلة كاملة من بعد فالصباح قطعتو حاولو ما يكون غليظ ما يكون رقيق سمك متوسط ودخلتهم الفقاص للفران لي مسخن من قبل والعافية متوسطة هكا باش يتحمر على راحتو ويطيب من كل الجهات مهم العافية فوق منو لي تحمرات كنقلبها وكملت بنفس الطريقة حتى ساليت وبالصحة والراحة

هذه الوصفة هي من cuisine_ghita_adam اضغطي هنا لزيارة حسابها

3 تعليق

ترك تعليق