أطباق تقليدية أطباق لحم البقر أطباق مميزة

الكرعين بالحمص والزيتون

بمناسبة فصل الشتاء والبرد، أقدم لكم احدى أروع الوصفات الشتوية 

الكرعين بالحمص والزيتون بطريقة سريعة وسهلة 

وطبعا الطبق بالمراحل المصورة

الكرعين بالحمص والزيتون

مقادير الكرعين بالحمص والزيتون 

حامض مصير + زيتون
حمص مرقد ليلة كاملة 
قزبر ومعدنوس مقطعين + بصل
خرقوم، ابزار، سكينجبير، كمون
الهريسة ، ملح ، ثوم، ماطيشة الحك
نصف كأس زيت بلدي

وطبعا الكرعين حسب عدد الأفراد

طريقة التحضير بالصور

نديرو الكرعين يتسلقو فالماء مع شوية الملح نصف ساعة حتى لساعة إلا ربع 

وهذه صورة الكرعين ملي تسلقو

نديرو الحمص تاهو يتسلق مع الملح وشوية كمون

نخلطو المقادير كاملة ونديروها فوق الكرعين

ونخليوهم يتقلاو شوية ( 5 – 10 دقائق )

نضيف ثلاث كؤوس من الماء

ثم نضيف الزيتون والحامض والحمص
أنا نسيت ماصورت الحمص ^^

ونسدو على الكوكوت 10 دقائق تقريبا

وهاهو طبق الكرعين بالحمص والزيتون المحبوب وجد 

بالصحة والعافية ، ونتمى تجربوه جاراتي ماحد الحال بارد

الكرعين بالحمص والزيتون

والكرعين تايطيبو بسرعة بهاد الطريقة

17 تعليق

ترك تعليق