شباكية السبولة لذيذة وسهلة التحضير

السلام عليكم حباباتي شباكية السبولة هي
وصفة من الوصفات التقليدية المغربية لي كتكون
فالموائد الرمضانية وحتى للصائمين فالنوافل لانها
حلوة وفيها النشا كتمد الجسم بجزء من الطاقة غير
هي متاخدوش منها بزاف وطريقة التحضير الا تبعتوها
كيفما هي كتجيك ساهلة ان شاء الله بلامنطول عليكم
نتوكلو على الله ونبداو بسم الله

شباكية السبولة

المقادير :

نصف كيلو طحين
نصف رابعة زبدة
حبة بيض
معلقة كبيرة خل
كعلقة كبيرة خميرة الحلوة
معلقة صغيرة سكر
شوية الملح
100 مليلتر ماء
زيت للقلي
للتزيين :
عسل
زنجلان محمر

طريقة تحضير شباكية السبولة :

فقصرية نديرو فيها الطحين

والزبدة لي نكونو دوبناها والخل والبيض
والسكر والخميرة وشوية الملح

نخلطوه مع بعضياتهم

ونبداو نزيدو بشوية بشوية الماء وخاص العجينة
تكون قاصحة ومن بعد ندلكوها مزيان ونشكلو منها
كويرات متوسطين الحجم

ونخليوهم يرتاحو نصف ساعة

وناخدو اول كرة نسرحوها فوق طبلة
مرشوشة بالطحين مزيان بالدلاك

وتكون رقيقة بزاف

وناخدو جرارة ونديرو مستطيلات

وفوسط كل مستطيل نديرو خط من الوسط
وناخدو جوج مستطيلات ونحطوهم فوق بعضياتهم

ناخدو الجهة العلوية وندخلوها من
الفتحة لي كنا درنا الوسط

ونخرجوها منها 

الا مكنتيش مطوعاها جارتي فالاول مغتجيش
مقادة وليني راها سهلة فالتحضير ديالها ونبقاو
بحال هاكا حتى نكمل الكمية كاملة

ونسخنو الزيت مزيان ونبداو نطيبو

وملي تبدا تحمار نقصو العافية شوية باش
متحرقش نخرجوها من الزيت نغطسوها
فالعسل

وملي تشرب العسل مزيان نخرجوها تسقطر


ونرشوها بالزنجلان محمر من الفوق

ونقدمو شباكية السبولة

بالصحة والراحة

وكنتمنى تجربوها ويلا عجباتكم دعيو معانا
بالخير ولاغلى الناس بالشفاء العاجل
ولصاحبة الوصفة

المصدر : صفحة الفايسبوك كدها بالفعل

5 13 PT15M PT50M
منوعات جاراتي

13 تعليق

اترك رد

Do NOT follow this link or you will be banned from the site!