شنيك بالفرماج والزيتون مالحين بالصور والمراحل

وصفة جديدة للأخت بابيون ، هي طريقة تحضير شنيك مالحين بالجبن والزيتون ولا احلى . مذاق رائع وحتى المنظر كايشهي . شنيك بالفرماج والزيتون بالمراحل والخطوات والصور لكل مرحلة على حدة حتى ينجح معك جارتي 

شنيك بالفرماج والزيتون

شنيك بالفرماج والزيتون وصفة مشاركة من منتدى المغربية وهي كما ذكرت للاخت بابيون جزاها الله خيرا . أتمنى أن تنال اعجابك جارتي وبامكانك زيارة المذيد من وصفات المعجنات من هــنــا : معجنات جاراتي

مقادير شنيك بالفرماج والزيتون

نصفكيلو طحين
معلقة كبيرة زبدة
كاس العنبة ديال الحليب
ملح
خميرة الخبز
معلقة سنيدة كبيرة
خمارة ديال الحلوة
فرماج مثلثات
زيتون اسود وزيتون اخضر
فرماج احمر محكوك
اصفر بيضة

طريقة التحضير :

نديرو الطحين و السنيدة و الزبدة وخميرة الدار و خميرة الحلوة

ونخلطوهم مع بعضياتهم ونبداو نجمعو بالحليب

ويلا كان باقي خاص الحليب زيدي الحليب حتى تجمع مزيان

اولا الما دافي وندلكوها مزيان ونجمعوها فالبلاستيك الغذائي

ونديروها فالثلاجة ترتاح على الاقل نصف ساعة

ونرشو بوطاجي اولا طبلة بالطحين مزيان ونسرحو فوق العجينة بالدلاك مزيان

وندهنوها كاملة بالفرماج مثلثات

ونقطعو زيتون اخضر والاسود طريفات صغارين ونرشو الفرماج الاحمر لي نكون حكيناه

ونلويو العجينة على شكل رولو

ونغطيوها بالبلاستيك الغذائي مزيان وندخلوها للمجمد حتى تشد راسها مزيان

و نخرجوها نقطعوها على شكل دوائر ونستفوها فطاوة دخل للفران مدهونة بشوية الزيت ونخليوه يخمر

وندهنو وجه كريصات شنيك باصفر البيض باش يحمار مزيان 

ونسخنو الفران مزيان وندخلو ليه بالفرماج والزيتون ديالنا حتى تحمر وطيب مزيان

وتقدم باردة او سخونة كيفما حبيتي

منظر رائع تايشهي ، بالصحة و الراحة 

4 تعليقات

ترك تعليق