السلام عليكوم جارتي هاد الكيكة كتجي واعرة ورائعة ورطبة
كنتمنى تجربوها عطيتها بعض الجارات هنا وعجباتهوم
كيكة تاع الشكلاط بالجزر من جارتكم الوفية أم هديـــــل
مقادير كيكة تاع الشكلاط بالجزر
كندير فيها كا تاع العنبة تاع خيزو مبشور
ربعة تاع البيضات
كا س الماء ماعمرش تاع العنبة
وبحالو تاع الزيت اي كاس معمرش تاع زيت
كاس ونصف تاع سنيدة عبار بكاس العنبة
عشرة تاع معالق دقيق
جوج خمارات حمرين
كندير كاس تاع خيزو مبشور والبيض والما
وسنيدة وزيت فخلاط الكهرباءي ومن بعد نزيد دقيق عشرة تاع المعالق
وتلاتة معالق تاع الكاكاو بودرة
ونخلطهوم مزييان ونزيد الخمارات جوج
وندهن المول تاعي بزيت وشوية تاع دقيق ونحطها فالفرن على نار مهيلة شوية
ونخاليها منفتح عليها حتى نشوفها طلعات
ودخلها طياب من بعد نزلها لتحت ونخرجها بحال هاد الشكل
ونخاليه تبرد نمشي ندير شكلاط بحال دانيت
كندير فمولينيكس كاس تاع لحليب العنبة
وجوج معالق تاع سنيدة
ومعلقة تاع نشا
وتلات معالق كاكاو او تلات ساشي تاع الكاكاو
ونخلطهوم فمولينيكس مزيان ومن بعد نردهوم فوق البوطة فكاصرونة ونبقة نحرك نحرك حتى تشوفي دانيت تقال ونطفي عليه ونحطو فوق الكيكة تاعنا
ونزوقها باي حاجة عندي فالبيت شكلاط ولا فرمسيل ولا للوز فيلي وندخلها تلاجة تبرد
وهاهي كيكة تاع الشكلاط بخيزو رطبة ولذيذة
كتجي رائعة غي جربوها غتعجبكوم وبالصحة والراحة هاد الكيكة مفضلة عندي
[author image=”https://lh6.googleusercontent.com/-J4AN6ByawQs/U8K1f0ugrSI/AAAAAAAAQ94/V7GCBD85yPw/s200/jara.png” ]الجارة أم هديل[/author]
تبارك الله عليك
Tbarkalah alik gzala merci
chkran a khti llah iyatik saha dartha wahad lganssa ou maabghatch tghoul lina makadir choukran a khti lahla ikhati alina hbab
ربي يخاليكوم اختي تقوى وغزلان ام اية راه كتجي رطبة وبنينة وكيبغيوها الاطفال بزاف على الراس والعين بصحتكوم وراحتكوم
الف شكر لكي اختي
Salam wach n3amlo je3da mhkoka r9i9a wla wla ghlita
Ana ma3raft 3lach makatla3lia kika manfokha ???? Sa3douni bchi kika njarabha nchof
اللّٰه يعطيك الصحة كتبان رائعة
ادشي زوين واش يمكن نديروا فرميسيل
زيني باش ما حبيتي اختي ام مريم
Allah ya3tik asaha
امين ياربي
Tbarkala 3lik
chokran khti
العفو حبيبة
toop wlh merci jrabtha osd9at ?