السلام عليكم جارتي كيكة بالسميدة و الكوك
كتجي رائعة توجديها لضيافك تحمري بيها وجهك
و لعائلتك فالفطور او وجبة اللمجة بمقاير بسيطة
و طريقة التحضير ابسط
نبداو بسم الله
مقادير كيكة بالسميدة و الكوك :
2 كيسان سميدة رقيقة
2 خمارات
4 بيضات
كاس زيت
كاس سنيدة
كاس حليب
50 غرام كوك
للتزيين :
العسل
كوك
طريقة تحضير كيكة بالسميدة و الكوك :
كنخلطو السميدة مع الزيت و البيض والخمارات و السنيدة
و الحليب و الكوك مزيان وملي كيولي خليط متجانس كنجيبو
الطاوة ديالنا مدهونة بالزبدة و مرشوشة بالدقيق ونكوبو فوقها الخليط
و ندخلو الكيكة ديالنا الفران ملي طيب مزيان نخرجوها ونسقيوها
بالعسل و نرشوها بالكوك
و نقطعوها على الشكل لي بغينا
و ها هيا الكيكة موجودة بالصحة و الراحة
katban ldida chokran bazaf
جميل جدا