كاب كيك بالشكولا لذة لا تقااوم

كاب كيك بالشكولا لذة لا تقاوم 24

السلام عليكم حبيباتي تحية طيبة لكن داخل و خارج الوطن و تحية من اعماق قلبي للمشرفين على هذا الموقع الاكثر من راااااااااااائع

اليوم ان شاء الله نقدم لكم كاب كيك بالشكولا لذيذ و رائع و كايعجب الاطفال

كاب كيك بالشكولا لذة لا تقااوم

نبداو إلى بركة الله

المقادير :

4بيضات
كاس سنيدة (العنبة)
كاس زيت
كاس حليب
فاني
قبصة ملح
معلقة صغيرة خل (كاتخلي الكيك كايجي خفيف و منفوخ)
2معالق كبار كاكاو مر
3خمارات حمرين
2كيسان ديال الدقيق
شوكولا مقطع قطع صغيرة

طريقة التحضير :

نطربو دائما البيض و السنيدة والفاني و نضيفو الحليب والزيت والخل و الملح و الكاكاو الدقيق و الخمارات بشكل تدريجي

و نغبرو داك الشكلاط لي عندنا مزيان بالدقيق عاد نضيفوه للخليط باش ماينزلش لنا فاش ندبرو العجين ف الفرن

المهم نجيبو القوالب الخاصة بالكاب كيك و نديرو فيهم الورق الخاص كيف لي ف الصورة

ونصبو فيهم مقدار من العجين تقريبا ملعقة كبيرة ونديروهم ف فرن مسخن من قبل و نتاكدو من طيابهم عن طريق شي سكين .وهاهم كاب كيك بالشكولا جاهزين

التزيين كيبقى اختياري انا خليتهم كيفما هما و راه كايطيرو ف ساعتهم يمي يمي . ههه بصحتكم و راحتكم
راه هاد المقادير خرجات لي 24 كاب كيك ههه و كاع ماباتو مشاوو جربوها و ماغاتندموش 😉
تحياتي ♥♥♥
جارتكم حنان

24 Comments

  1. عطاك الله الصحة حبيبة حنان واش ممكن نستغنو على الكاكاو.واش ممكن نديرو دوك الكويغطات فطاوة عادية

  2. تحية طيبة لكي حبيبة ام كنان نعم ممكن نستغاناو على الكاكاو ممكن تعمليها عادية و بالنسبة لقطع الشكلاط ممكن تعمليهم حتى يلا مادرتيش الكاكاو تايجيو رائعين العجين كايكون بيض وكايجي المنظر ديال قطع الشكلاط فيه جميل جداااا . حبيبة بالنسبة ل الطاوة انا كانفضل تعمليهم ف الطاوة الخاصة بهم حيث فاش كاتديرهم يطيبو كايبقى يوساع الورق وداكشي علاش الطاوة حسن حيث كاتجمع داك العجين فالورق بدوك الحفر لي فيها ههه نتمانا نكون افدتك ههه . الشرح طويل وبالصحة و الراحة حبيبة ديالي شكراااا ليكي الله يحفظك ♥♥

  3. شكرا اختي حيت عجبوني داكشي علاش و معنديش الطلوة دابا ماعليا غي نشريها هههه عطاك الله الصحة مرة اخرى

  4. امتى درتي هاد 2 وصفات ديالك حيت لحت حتى انا 2 البارح مازال مبانو ليا فالسيت

    1. انا كنت البارح كتبت 2 وصفات و الاولى ديال البان كيك و الثانية ديال هاد الكاب كيك صدقات ديال الكاي كيك تنشرت قبل ديال البان كيك ههههههههههههههههههه

  5. Salam akhti tbarkalah 3lik kaychahiw

    1. W 3likoum sala mkhtie mrahba w bsaha wraha tahiyati chouran hbitbti 😉

  6. والله احبيبة الى مشا راجلي حتا جاب ليا ديك الطاوة غي باش نجربها عجباتني

    1. ايوا شفني الله يخليه ليك و يخليك ليه و بالصحةو الراحة احبيبة جربيها و ردي عليا الخبار اوكي اناغانتسناااااكي 😉

  7. جزاك الله عنا خيرا اختي شكرا على الوصفة

  8. العفو اختي الشكر لكي حبيبتي حياكي الله ♥

  9. راني يلاه عملتها جات فنة و خفيييييييييفة الله اعطيك الصحة

  10. بصحتك و راحتك حبيبة . شكرااا و ماتعطيناااش شيوحدة ندير بيها le gouttè

  11. Tbark ah 3ilkommmm 🙂 🙂 l

  12. الله يبارك فيك ختي حناان و يطول عمرك شكرااا حياكي الله 😀

  13. مرحبا مزال 3 ههههه بركة عليك

    1. الله يطول عمرك اختي

  14. رائعة وسهلة

    1. الله يحفظك اخت اخلاص 😀

  15. Lah ikhlik lina ijmal wasafat w ajmal nisa l3alam mjmoi3in fhad lmaw9i3

  16. شكرا أحبيبة على هاد المجهودات دياولك

    1. لاشكر على واجب اختي ام ادم

      جارتي المديرة
  17. انا معنديش الطاوة واش يمكن لي نديرهوم غير فالكويغطات ونضوبلهوم باش يشدو الفورما وميوساعوش

    1. ديري فيهم غير النص اختي رجاء

      جارتي المديرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *