قريشلات بالزنجلان

قريشلات بالزنجلان بمذاق جد رائع وسهلة التحضير 7

السلام عليكم جاراتي جبت ليكم هاد المرة قريشلات بالزنجلان
فعلا بمذاق جد رائع وكذلك سهلة التحضير حتى بالنسبة للمبتدئات
لتحضريها لاطفالك و ايضا اثناء وجبة اللمجة بلا منطول عليكم نبداو
بسم الله

قريشلات بالزنجلان

المقادير :

نصف كيلوغرام طحين
150 مليلتر زيت
200 مليلتر حليب دافئ
بيضة واحدة
60 غرام سكر سنيدة
خنيشة سكر فانيلا
ملعقتين كبار زنجلان محمر
معلقة كبيرة زبدة طرية
معلقة كبيرة خميرة الخبز
معلقة كبيرة خميرة الحلوة
ملح
للتزيين :
اصفر بيضة
زنجلان
لوز مهرمش

طريقة التحضير :

اول مرحلة نبداو فيها باش نوجدو قريشلات بالزنجلان ندوبو
خميرة الخبز فالقليل من الماء الدافئ ومن بعد نديرو جميع
المواد الجافة من طحين ملح سكر فاني و الزنجلان

ونخلطو هاد المكونات مع بعض وعاد نزيدو المواد السائلة الزيت

و البيضة و الزبدة

 و الخميرة لي دوبنا فالماء

ونجمعو العجينة بالحليب

و ندلكوها مزيان تكون رطبة و خاصها تكون كتلصق
ومطلوقة شوية

هادا هو لي كيخلي بحال هاد الوصفات يجي رائعين
وملي تعجن مزيان نجمعوها وايدينا فيها الزيت باش
متلصقش لينا فايدينا

و نغطيوها ببلاستيك و نخليوها فبلاصة دافية باش تخمر مزيان
وملي يضاعف حجم العجينة

نجيبو طاوة مدهونة بالزيت او مغطية بورق سيلفيريزي
وندهنو ايدينا بالزيت

ونديرو كويرات متوسطة الحجم ونستفهم وهوما
متباعدين على بعضهم ونبسطوهم بايدينا شوية

وملي نكملو الكمية كاملة

نغطيوها  بالبلاستيك الغذائي و نخليوها تخمار مرة خرا
و ملي تبدا تخمار نجيبو اصفر البيض وندهنو القريشلات ديالنا

ونرشوهم بالزنجلان و اللوز محمر اولا مقلي ومهرمش

ونخليوها تخمار مزال ونسخنو الفران مزيان و ندخلوهم
يطيبو حتى تحمر مزيان

ونقدمو قريشلات بالزنجلان واللوز دافين مع اتاي

وبالصحة و الراحة

7 Comments

  1. Tbarkllah 3lik wasfa sahla omziwna radi njarbhom inchalah

  2. تبرك الله عليك

  3. هدو وصفات كريمه الدخيسي

  4. شهاونا باف الله يعطيها الصحة لليد الصانعة

  5. Lah i3tik sha:-D:-)

  6. Lah i3tik sha

    غير معروف

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *