غراتان الدنجال و البطاطا

غراتان الدنجال و البطاطا فالفران بالطريقة و الصور 16

السلام عليكم جاراتي الغزالات غراتان الدنجال و البطاطا
بالفرماج فالفران بطريقة جديدة نظرا لحب الكبار و الصغار
لها كتجي رائعة وشهية وخفيفة على المعدة بمقادير متوفرة
في كل بيت وكذلك متوفرة في جميع المحلات التجارية

غراتان الدنجال و البطاطا

نبداو بسم الله

مقادير غراتان الدنجال و البطاطا :

كيلو دنجال 
نصف كيلو بطاطا 
كيلو مطيشة 
معلقة مطيشة ديال الحك 
كوزة محكوكة 
ثومة 
قزبر ومعدنوس مقطع 
ابزار
كمون 
هريسة او شونية 
فرماج محكوك 
ملح 
زيت للقلي 
زيت زيتون
الزبدة 

طريقة تحضير غراتان الدنجال و البطاطا :

كنقطعو الدنجال على الطول ديالو ورقاق
و نديروه يتقلا فمقلة فيها الزيت سخون

فنفس الوقت نديرو البطاطا تسلق من بعد منقشروها
ملي طيب نمعسوها ونزيدو عليها الكمون الابزار الملح
الهريسة وشوية القزبر و المعدنوس مقطعين و الزبدة

ونخلطو كلشي مزيان
وكنطيبو لاصوص ديال المطيشة فمقلة او كصرونة كنديرو
مطيشة كنحكوها كنزيدو عليها ملح ابزار الربيع مقطع كوزة
محكوكة الثومة محكوكة وزيت الزيتون ونخليوها طيب مزيان

حتى تعقاد

وناخدو شوية من الخليط ديال البطاطا ونلويو الدنجال

ونبقاو بحال هاكا حتى نكملو الكمية كاملة ديال الدنجال
كاملة ونستفوه فطاوة مدهونة بالزيت وداكشي لي بقا
ديال خليط البطاطا نديروه حريبلات

ونديروه فوق الدنجال

ونكوبو لاصوص ديال مطيشة

ونحوكو فوقها الفرماج

وندخلوها الفران يشد راسو شوية ويدوب الفرماج و نخرجوها
ونقدموها بالصحة و الراحة

كنتمنا تجربوها جارتي ومتنساوناش بالدعاء ديالكم 

16 Comments

  1. Ghzal bayna ldid

  2. BAINA LM3NA

  3. tari9a zwina it dnjal kayab9a ftalaj haka rayatkal 3amar ou bayna ldid bazaf chokran

  4. mrc bayna ldid ghir mn chofa tbarklah 3lik

  5. جربتو جا غزال الله يعطيك الصحة أنا زدت عليه شوية لكفتة مشحرة قبل من لاصوص .شكرا لك المزيد من العطاء ان شاء الله

  6. Tbarkalah eluk lah ietak saha akhti nchalah njarabha o nrod elik

  7. الله يعطيكم الصحة داكشي غزال بغينا وصفات اخرين ديال غراتان

  8. هاد شي عندك بنين الله يعطيك الصحة

  9. Aatak allah saha chakal jdid bach taibi danjal mouafaka incha allah choukrane laki

  10. chkon 3endha gratin bi chefleur we lkafta alah ye jazikom 3wacher mebroura tdkhel 3likom bessa7a we salama wa a3malokom ma9bola jazakom allah bi janat ana3im

  11. واعر تباركلاه

    1. الله يعطيك صحة هدشي كولو زوين

  12. الله يعطيك الصحة هاذ الكراتان كنديرو كيجي واعررررررر بزاف ومذاق رائع غير انا كندير الفرماج مثلث مع البطاطا وفوق الصوص طوماط كنكب بيضة مخلطة الا ماكان عندي الفرماج الاحمر

    1. حتى طريقتك غدي تكون لذيذة شكرا على المعلومة

      جارتي المديرة
  13. يعطيك الصحه

    1. ياربي امين

      جارتي المديرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *