الميلفاي في المنزل

طريقة سهلة لتحضير الميلفاي في المنزل 6

مرحبا بكم جاراتي جبت ليكم هاد المرة
طريقة تحضير الميلفاي في المنزل بسهولة
وبمقادير سهلة ومتوفرة فكل بيت بلاما نطول
عليكم نبداو بسم الله  ونتوكلو على الله

الميلفاي في المنزل

المقادير :

العجينة المورقة
مقادير كريم باتيسيير :
4 اصفر البيض
نصف مليلتر حليب
‘à غرام طحين
30 غرام مايزينا
سكر الفانيلا
50 غرام سكر سنيدة
قبصة ملح
مقادير الكلاصاج :
100 غرام سكر كلاصي
قطرات ماء
للتزيين :
30 غرام شكلاط اسود

طريقة تحضير الميلفاي في المنزل :

اول حاجة نديرو الحليب يغلى مع شوية الملح وسكر
الفانيلا وحالة كانت عندكم الفانيلا طرية فهي احسن
تشقوها على جوج وتحيدو ليها البذور ديالها بسكين
وحتى العود ديالها نديروه فالحليب ونجيبو اناء اخر
نطربو فيه اصفر البيض مع سكر سنيدة بمعلقة ديال
العود حتى يولي اللون ديالهم مائل للابيض ونبداو
نزيدو بشوية بشوية الطحين فرينة ودقيق الذرة ونطربو
حتى يولي خليط متجانس ونبداو نزيدوه ببطء على الحليب
لي كنا غلينا مع الفانيلا وصفيناه وحنا كنحركو ونديروهم
فوق عافية مهيلة ونبقاو نحركو باش ميتعزلش البيض ويطيب
وملي يولي ثقيل نحيدوه من فوق النار ونخليوه ياخد درجة
حرارة المطبخ ونطيبو العجينة المورقة من بعد منكونو سرحناها
بدلاك فوق سطح مرشوش مزيان بالطحين ونقطعوها على شكل
مستطيل ونديروها فوق طاوة مغطينها بورق سيلفيريزي ونغطيو
العجينة من الفوق ونتقلوها بشي حاجة من الفوق وندخلوها
الفران مكتاخدش وقت طويل باش تحمر 10 دقائق تقريبا
ونقطعوها بسكين ديال الخبز على شكل مستطيل وناخدو 3
القطع ونجمعو مابين كل جوج بالكريم باتيسيير  وناخدو السكر
كلاصي نخلطوه مع الما ونخليوه عاقد وندهنو بيه الوجه الفوقاني
ديال الميلفاي وندخلوها للثلاجة حتى يشد راسو ونزوقوها
بالشكلاط الاسود دايب

ونقدمو الميلفاي في المنزل

بالصحة والراحة نتمنى تجربوها

وتولي من وصفاتكم المفضلة
ونالو نصيب من صالح دعائكم
والدعاء لاغلى الناس بالشفاء العاجل
ان شاء الله ولصاحبة الوصفة جزاها الله عنا كل خير

المصدر :delicesdetouslesjours.over-blog.com

6 Comments

  1. الله الله عليك ميلفاي يهبل يعطيك الصحة جارتي ربي يخليك و يسعدك

    1. ياربي امين

      جارتي المديرة
  2. سبتمبر22..2015ساعة4:44@ شكرا بزاف جراتي عزيزات

    1. سلام أخواتي ك نشكركم بزاف علي الوصفات ديالكم???

      1. وعليك السلام اختي فاطمة بصحتك

        جارتي المديرة
  3. تبرك الله عليك أختي على الميلفاي غزالة

    غير معروف

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *