طريقة تحضير الروز بالدجاج و الخضر

طريقة تحضير الروز بالدجاج و الخضر 9

نزولا عند رغبت بعض الاخوات كنقدم لكم طريقة تحضير

الروز بالدجاج و الخضر كيجي لذيذ و بنين 

تنتمنى يعجبكم حتى انتما

طريقة تحضير الروز بالدجاج و الخضر

مقادير الروز بالدجاج و الخضر 

صدرديال الدجاج مقطع شرائح طوال , بصلة مقطعة طويلة، بروكولي، ففلة حمراء مقطعة طويلة، 2خيزوات مقطعين طوال ،كرعة خضراء مقطعة، شوية ديال الثوم ، نصف كاس من صلصة الصويا ،شوية من سكين جبير,إبزار, معلقة صغيرة من مطيشة ديال الحك ،الارزبسمتي لقياس لي يكفينا

طريقة تحضير الروز بالدجاج و الخضر 

تانقليو البصلة شوية من بعد تانظيفو صدرديال الدجاج لي درناه فزلافة فيها 2 معالق كبارديال مايزينا مع شوية ديال الماء و غير تانهزوه و تانزيدوه على البصلة بلا مانعاودو نغسلوه ونخليوه يتقلى شوية من بعد نزيدو الثومة مطحونة و خيزو ونخليوه يتقلى شوية ونزيدو البروكولي وحتى هو نخليوه يتقلى شوية و نزيدو الفلفلة ونحركو شوية ونزيدو الكرعة من بعد نزيدو صلصة الصوجا و شوية ديال الإبزار و شوية ديال سكين جبير و شوية ديال الملح و مطيشة ديال الحك و نصف كاس ديال الماء و نخليو كولشي يطيب
وتاندوزوللروز
تانديرالروز فالماء ونخليه شي نصف ساعة يفزك
تاندوب شوية ديال الزبدة و نضيف الروز للي قطرناه من الماء, تانبقى نحرك الروز مع الزبدة شي 2 دقايق من بعد نزيد لماء (لكل كاس روز كاس من الماء )و ندير الملح و غير يبدا يطبخ ننقص البوطة فخطرة و نسد الكميلة و نخليه يطيب على خاطرو
والصور توضح اكثر

بالصحة و الراحة 

9 Comments

  1. تبارك الله عليكم جد مميز الله يحفظكم وسلمت ايديكم على الوصفات الجد من رائعة.

  2. chokran bazafffffffff lahla ykhatik a jarti ana li kant bghit had lwasfa bghit ghi nsawlak ila kan momkin chno howa brokoli ma3raftoch hit ana mn char9 w kaynin chi kalmat makhtalfin 3likom f lhadra hhhhh w chokran

    1. سلام اختي مروى بروكلي بحال شفلور ولكن لون اخضر الا ما القتيهش لانه قليل ديري مكانو جلبانة

  3. جربتو جا غزال.الله يعطيك الصحة

    أم التوأم
  4. salam 3likom khti wakha nswlik achno dakchi fach kayn roz dayer bhal lhlib wach hwa nit ola chno chokran 3la ouklla jat ldida tbarklah 3lik

    1. لا ما فيهش لحليب فيه غير الزبدة و الماء

  5. salam, saraha bghit nchokrak bazaf 3la had taba9 la anno kayji fo9 mn ra2i3

  6. الوصفة رائعة ومدهلة

    1. شكرا حبيبة

      جارتي المديرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *