المقروط باللوز فالفران

طريقة المقروط باللوز فالفران بالــصــور 3

جاراتي العزيزات اليوم جيتكم بوصفة جديدة هي حلوة المقروط المعروفة ، وبالضبط المقروط باللوز فالفران 

المقروط باللوز فالفران

طريقة تحضير المقروط باللوز فالفران مشاركة من uneirresistibleenviedesucre وهذه الطريقة هي وصفة المقروط المغربي أو المقروط الجزائري ، فالنوعان متشابهان وعلى اي حال فالأطباق المغربية والجزائرية تتشابه في عدد من الشهيوات كما يتشابه البلدان الشقيقان في اللهجات والتقاليد

دون إطالة أتركك جارتي مع طريثة تحضير المقروط باللوز فالفران وأي تساؤل اتركيه في تعليق وسوف نجيبك في أقرب وقت باذن الله عز وجلّ 

مقادير العجينة :

600 غرام سميدة متوسطة
200 غرام زبدة
2 قبصات ملح
ماء الزهر

بالنسبة للحشوة :

210 غرام اللوز بودرة
2 معالق صغار قرفة
5 معالق كبار سكر سنيدة
ماء الزهر

للتزيين :

ماء الزهر
العسل

طريقة التحضير :

فقصرية نديرو السميدة و الملح و الزبدة ونبسبسوها بايدينا

والزبدة تكون فكمية السميدة كاملة لي عندنا

وملي دخل الزببدة فالسميدة و نبداو نزيدو فماء الزهر بشوية بشوية

باش فالاخير تولي عندنا كورة وحنا كنجمعو فيها ماشي كندلكوها

اما الا كبيناه دقة وحدة غتولي جارية ومنقدروش نديروها على شكل كورة

وملي نجمعوها نغطيوها بالبلاستيك الغذائي

ونخليوها ترتاح بيلما وجدنا الحشوة

فاناء نديرو بودرة اللوز القرفة السكر نخلطو كلشي مزيان

وماء الزهر بشوية بشوية حتى يتجمع لينا اللوز

ونحبسو ودوزو نجدمو المرحلة الأخيرة من المقروط باللوز فالفران

نقسمو العجينة ديالنا ل 3 أولا 4 الكورات صغارين

وكل كورة ونديروهم على شكل قضيب

ونديرو حفرة على الطول ديالو فين نديرو العجينة ديال اللوز

ونهزو شوية منها ونديروها فالحفرة لي درنا بالأصبع

ونجمعو جناب ديال العجينة ونخليو الشكل ديالو دائري

أولا ممكن نديروها بشكل اخر لي هوا نسرحو العجيبنة و نسرحو فوقها عجينة اللوز

و نلويوها بحال اللوية ديال المسمن ونحاولو نديرو شكل ديالها مربع

و نقطعوها ونجيبو مرشم يكون ديال المقروط و نطبعو بيه العجينة

أولا نخليوه عادي على شكل دوائر على حساب لي بغيتي جارتي

ونستفوها وفق طاوة و نشعلو الفران لي نكونو سخناه من قبل على درجة حرارة 175

انا خدات ليا تقريبا 50 دقيقة ديال الطياب

و ف10 دقائق الأخيرة درتها فالجهة لي الفوق باش تحمر مزيان

وقبل منخرجوها بشوية نديرو العسل يسخن ومعاه ماء الزهر حسب القدر لي بغيتي جارتي العزيزة

نديرو المقروط لي خرجنا وهو باقي سخون ممن الفران فالعسلو الما زهر باش يشرب العسل مزيان

ونديوها فوق شي شبكة حتى يتسقطر

و نستفو المقروط باللوز ديالنافعلبة لحفظ الطعام

وهاهي الصور النهائية للمقروط باللوز

ويقدم بالصحة و الراحة

3 Comments

    1. شكرا حبيبة

      جارتي المديرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *