السلام عليكم ورحمة الله و بركاته من موقع جاراتي اقدم لكم طريقة تحضير بريوات اللوز والكاوكاو بالصور ساهلين في التحضير او كيجيو بنان
مقادير بريوات
*-250غ اللوز مسلوق
*-250غ كاوكاو ومقلي
4م.ك سكر كلاصي
*-شوش المسكة الحرة
*-معلقة زبدة
*-2م.ك ماء زهر
قطرتين من روح اللوز
*- كيلو إلا ربع ورقة كبيرة
*- كأس.ص زبدة دائبة
طريقة التحضير
تنخدو الكاوكاو اللى تيتباع مقشر ونقلوه (لكن ما يتحمرش كما عملت ليه انا
نستو وهدا اللى جعل لون العجين يجي غامق شوية لهدا نتبهو )
تنسلقو اللوز ونشفوه
تنطحنوه نصف طحنة ونضيف ليه سكر ونعاود نطحنو مزياان
حتى نحصل على بدرة اللوز ونعملو في اناء
وتنطحنو حتى الكاوكاو ونضفوه للوز
ونضيف المسكة مدقوقة
وقطرات روح اللوز
وماء زهر
وزبدة
ونخلط مكونات مزيااااان ونتركها ساعة ترتاح قبل ما نستعملها
تنعملها كويرات فحال هاكا
من بعد تندهن الورقة بالزبدة مدوبة جيدا
ونقطعها على هاد شكل
ممكن نقطعو الورقة كاملة مرة واحدة كما هو واضح
ناخد ربع الورقة ونطوها فحال هاكا
ثم هاكا
هاد العملية ما تضيعش الورقة ابدا +تتسهل عملية طي لبريوات حتى للمبدتئات فحالي
تنعملو كويرة في هاد النقطة
ونبدو نطوو بهاد طريقة
ودائما نوضعو صبعنا في زاوية فحال هاكا
وفي اخير تندهن بالبيض غير باش نسدها ماشي كاملة
هدا هو شكل نهائي للبريوات ديالنا
وهاكا حتى نتهي من الكمية الى عندي
تنقلوهم في حمام زيت ساخن على نار متوسطة ونطفوهم في لعسل ونتركهم ينزل منهم العسل زائد
بالصحة و الراحة
lay3tik saha ya jarti l3ziza kolchi lik mtiwl
الله يسهل عليك االجارة لحبيبة اللهلايخطيك
لك جزيل الشكر أختي نستفيد الكثير جزاك الله كل خير
لك جزيل الشكر أختي نستفيد الكثير جزاك الله كل خير ونتمنى المزيد
العفو ،
والمزيد والمفيد هو ما سيكون باذن الله
Ds
السلام عواشر مبروك الله ادخل رمضان وانت على خير ومن تحبين أيضاً
سلام سنة سعيدة بصحة وسلامة علي كوام انه اعجبناي كولشي لي كتقدمو وشكران
CHOKRAN BAZAF
CHOKRAN BAZAF
tbarkallah 3lik jarti la3ziza allah iraz9ak matmanay
السلام عليكم رمضان مبارك عليكم تبارك الله عليك أختي