شوصون بالطون والخضر

شوصون بالطون والخضر رائع جدا ولذيذ 3

اهلا جاراتي الفريدات ان شا الله تكونو بخير وعلى خير هاد
المرة كنقدم ليكم شوصون بالطون والخضر مقدم بطريقة
جد سهلة وايضا لذيذة وصحية بلامنطول عليكم
نتولكو على الله ونبداو بسم الله

شوصون بالطون والخضر

المقادير :

450 غرام فرينة
75 مليلتر حليب
50 مليلتر زيت الزيتون
2 ياغورت طبيعي
2 معلقات صغيرة خميرة جافة ديال الخبز
20 غرام خميرة طرية
50 غرام زبدة دايبة
نصف معلقة صغيرة ملح
شوية الحليب
مقادير الحشوة :
علبة سمك او كفتة
2 حبات بصل صغار
2 حبات فلفل
ملح
ابزار
سكينجبير
مثلثات فرماج
اعشاب جافة الريحان والزعتر

طريقة تحضير شوصون بالطون والخضر  :

اولا نوجدو العجينة ديالنا ندفيو الحليب ونزيدو عليه
الخميرة ونخلطوهم مزيان ونديروهم فاناء ونزيدو
عليه الياغورت وزيت الزيتون والزبدة دايبة ونخلطو
كلشي مزيان حتى يولي خليط متجانس

ومن بعد نبداو نزيدو عليه الفرينة

بشوية بشوية ونبقاو نعجنوها وندلكوها حتى تولي
عجينة رطبة ومدلوكة مزيان

ومن بعد نغطيوها لمدة ساعة ونص حتى تخمار
وفهاد الوقيتة ندوزو نوجدو الحشوة فمقلة كنديرو
زيت الزيتون ونقطعو البصلة رقيقة ونشحروها فالزيت
وملي تدبال نزيدو عليها الفلفلة مقطعة مربعات صغار
ونديرو الملح والابزار ونبقاو نحركو حتى يطيب وعاد
نزيدو فالاخير الريحان جاف والزعتر ونحركو مزيان
وكيبقاو اختياريين ومن بعد نزيدو الطون ونخلطو مزيان
ونخليوها تبرد مزيان باش نبداو نوجدو شوصون ديالنا
ناخدو العجينة ديالنا نجمعوها

ونشكلو منها 17 كويرة الحجم ديالها تقريبا حبة مندرين

ونسرحوها بالدلاك فوق سطح مرشوش بالدقيق مزيان

ونديرو الوسط ديالها معلقة كبيرة ديال الحشوة

ونديرو نصف مثلث ديال فرماج

ونغطيوها بالجزء ديال العجينة ونتقبوها من جناب
يالفورشيطة اولا نضغطو على جناب باصابعنا

باش ملي تبدا طيب متفكش وملي نكملو الكمية
كاملة نستفوهم فوق طاوة مدهونة بشوية الزيت
ونخليوهم يرتاحو لمدة 10 اولا 15 دقيقة

وندهنوها من الفوق بالحليب ونسخنو الفران على
درجة حرارة 180 ونخليوها طيب لمدة مابين 30 و
35 دقيقة حتى تاخد لون ذهبي زوين ونخليوها
حتى يوليو دايفيين وعاد نقدمو شوصون بالطون والخضر

بالصحة والراحة كنتمنى تعجبكم

وتجربوها ودعيو معانا بصالح دعايكم ولاغلى
الناس بالشفاء العاجل ولصاحبة الوصفة
جزاها الله  عنا كل خير

المصدر : uneirresistibleenviedesucre.com

3 Comments

  1. chokran bzaf.baynin ldad ghanjrbhom incha alah

    1. بالتوفيق ان شاء الله

      جارتي المديرة
  2. وصفة زوينة الله يعطيكم الصحة والعافية يارب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *