السلام عليكم جبت ليكم شليطة ضرورية مع الحوت زعلوك مشوي لذيذ و بنين بالصور
نتمنى يعجبكم تيجي غزال و يمكن لك تصوبي كمية كثيرة
قد ما بقى فالثلاجة تيزيد ابنان
مكونات الوصفة
دنجان + مطيشة + فلفلة + تومة + زيت العود ندهنهم بزيت العود
وندخلوهم الفران ايطيبو ومرة مرة نقلبوهم باش ايطيبو
ماللي يطيبو نديرو دنجان وفلفلة وتومة فميكة باش يسهل علينا نقيوهم
من بعد نقطعوهم
نديرهم فالمقلاة ونزيد الربيع + ملح + ابزار + هريسة اللي تيبغي
الحار + كامون + زيت العود
ونخليوه يتقلاة مزيان احتا ينشف
ماللي نبغيو نقدموه نعصرو فيه الحامض
بالصحة و الراحة
الله يجازيكم احسن الجزاء
الله يجازيكم احسن الجزاء
الله يعطيك الصحة
كيشهي اللّٰه يعطيك الصحة
روعةةةة سبقلي دوقتو بهاد الطريقة كيجي غزاااال
انشالله نجربها