خبز الساندويتش

خبز الساندويتش لذيذ جدا وبطريقة مصورة وجد سهلة 23

السلام عليكم جاراتي طريقة تحضير خبز الساندويتش سهلة جدا
وبمقادير متوفرة في كل بيت بلا منطول عليكم نبداو
بسم الله

خبز الساندويتش

المقادير :

400 غرام دقيق الحلويات
200 مليلتر او كاس كبير حليب
بيضة
معلقة كبيرة سكر
معلقة كبيرة خميرة الخبز
شوية الملح
80 غرام زبدة طرية

طريقة التحضير :

المرحلة الاولى من تحضير خبز الساندويتش كنديرو
فاناء الطحين والخميرة و السكر والبيضة

ونجمعو العجينة بالحليب

وعاد نزيدو فالاخير مليحة وملي ندلكوها مزيان نزيدو الزبدة

ونرجعو ندلكوها مزيان

ونخليوها تخمار فبلاصة دافية لمدة 30 دقيقة تقريبا
ومن بعد ناخدو العجينة ونديرو كويرات

وملي نكملو الكمية كاملة ندهنوهم
بالحليب ونرشهم عليهم الزنجلان

وعاد نخليوهم يعاودو يرتاحو مرة اخرى لمدة 10 دقايق وعاد ندخلهم للفران
لي نكونو مسخنينو من قبل على درجة حرارة 180 اولا الا كان فران
عادي غير نسخنوه مزيان ونخليوهم حتى يتحمرو ونخرجهم

و حتى ياخدو درجة حرارة المطبخ عاد نعمروهم على حساب
الحشوة لي وجدتي جارتي العزيزة ونقدموهم بالصحة والراحة

كنتمنى يعجبكم وتجربوه ودعاو مع الاخت
كريمة بالخير واعز الناس بالشفاء العاجل

23 Comments

  1. Tbarkllah 3lik kibano bnanin wach lhlib mdafi

    1. نعم اختي ام الياس الحليب دافي

      جارتي المديرة
  2. تبارك الله عليك جارتي الله يعطيك الصحة

    1. ياربي امين

      جارتي المديرة
  3. تبارك الله عليك المزيد من الوصفات الشهية وشكرا

    1. ان شاء الله اختي سميرة

      جارتي المديرة
  4. يعطيك صحة جارتي رهم بنان بزاف

    1. امين ياربي اختي ام اياد

      جارتي المديرة
  5. راني بعثت وصفة شرائح الداند فاغصي ولكن ماضهرش في الموقع لماذا ؟وشكرا

    1. توصلنا غير بصورة واحدة كنتمناو ترسلي لينا باقي الصور و شكرا اختي ام لمياء

      جارتي المديرة
  6. واش ممكن نحتفظو بالخبيزات فالمجمد او شحال المدة
    جزاك الله خيرا

    1. نعم اختي يمكن ليك تحتافظي بيهم حتى اكثر من شهر فالمجمد

      جارتي المديرة
  7. الله يعطيك الصحة بغيتك الله يجزيك بخير بغيت نصيب حلوة البرتقالة باللوز ممكن تعطني الوصفة ديالها

  8. Tbarkalah 3lik hsan man lika yatba3o fi zan9a njarabhom onrad 3lik lakhbar merxi

    1. بالتوفيق ان شاء الله

      جارتي المديرة
    2. ان شاء الله يعجبك وتبقاي توجديه ديما

      جارتي المديرة
  9. وصفات جد ممتازة شكرا جزيلا

  10. lah yjazik bikhir ; radi ndirha dima lbnti llmdrassa

    1. بالصحة حبيبة و الله يحفض ليك بنيتك

      جارتي المديرة
  11. وصفة رائعة الله يجازيكم كل خير انشاء الله نجربها غير واش ضروري تكون الة ديال العجين او غير باليدين وشكرا

  12. ممكن تجوبني حيت باغية نجربهم وماعنديش الة العجين عندي غير الطراب ماكنطنش يصلاح وشكرا

    1. الله يعطيك الصحة اختي حبيبة

      جارتي المديرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *