السلام عليكم جاراتي الفنات ان شاء الله تكونو
بخير وعلى خير جبنا وصفة من مطبخ الاخت
فاطمة من موقع fatimato www بغرير بالشكلاط
طريقة التحضير جد سهلة ويجي لذيذ ان شاء الله
للضياف ولوجبة اللمجة
نتوكلو على الله ونبداو بسم الله
المقادير :
نصف كيلو قمح رقيق
1 كيس خميرة كيميائية
شوية خميرة الخبز
1 حبة بيض
ملح
ماء دافئ للعجن
50 غرام شكلاط بودرة بدون سكر
طريقة تحضير بغرير بالشكلاط :
فالخلاط الكهربائي نديرو المقادير كاملة القمح
البيضة خميرة الخبز والكيميائية والشكلاط غبرة
اولا الكاكاو والما دافي ونطحنوهم مزيان ونزيدو
الملح فالاخير ونعاودو نطحنوهم لاخر مرة
ونصبوه فاناء
ونخليوه يرتاح تقريبا لمدة 15 دقيقة فمكان
دافي ومن بعد نديرو المقلة فوق نار مهيلة
ملي تسخن نخيبو مغرفة ديال العجينة
ونسرحوها فوق المقلة وتكون على حساب
الحجم لي بغيتي كبيرة اولا صغيرة
ونخليوه حتى يطيب
ونقدمو بغرير بالشكلاط بالصحة والراحة
من بعد منكونو كملنا الكمية كاملة يا مع الزيت
والعسل اولا كونفتير الزبدة ممكن حتى شكلاط
ديال ذهن الخبز نتمنى ينال عرضاكم وتقدموه
لحبابكم ولضيافكم لكل الاوقات ونالو نصيب من
صالح دعائكم ولاعز الناس بالشفاء العاجل
ولصاحبة الوصفة جزاها الله عنا كل خير في
امان الله
الله يبارك جميل جدا
ياربي امين
salam 3afakom cheft wahem hmwa b maizina o kat9la et kadar f l3sal o janjlan mais l9ithach 3awnoni
وعليك السلام الا مكانتش هي وضحي لي اكثر وغدي نبحث لك عليها
http://www.jaratii.com/recipe/8773