مرحبا جاراتي الغزالات ان شاء الله تكونو بافضل
الاحوال وصفة اليوم بسكويت بزبدة الكاوكاو
مقدمة من موقع moutfou لاغناء مائدتك جارتي
الغزالة وصالحة لكل الاوقات وتوجديها لوليداتكم
يديوها معاهم المدرسة
نتوكلو على الله ونبداو بسم الله
المقادير :
50 غرام زبدة
3 معالق كبار زبدة الكاوكاو
100 غرام سكر كلاصي
2 مثلثات فرماج
100غرام دقيق الابيض
نصف معلقة صغيرة خميرة الحلوة
اصفر بيضة
طريقة تحضير بسكويت بزبدة الكاوكاو :
كناخدو الدقيق والخميرة ونغربلوهم ونخليوهم
على جنب وندوزو نوجدو كريمة كنديرو الزبدة
وزبدة الكاوكاو ويلا مفايتش ليك مصايباها
ومبغيتيش تاخديها غتلقايها فموقعك جاراتي
والفرماج والسكر صقيل ونطربو هادشي كامل
بالطراب الكهربائي حتى تولي عندنا كريما
متماسكة وخفيفة وعاد نزيدو عليه الدقيق
والخميرة لي غربلنا من قبل ونحركوهم غير
بمعلقة ديال الخشب اولا السليكون بحركة
دائرية فاتجاه واحد وفالاخير عاد نزيدو اصفر
البيض وملي تجمع لينا العجينة لي غتكون رطبة
ومتجانسة مزيان غنشكلو كويرات قد الكركاعة
ونستفوهم فطاوة مدهونة مزيان بالزيت ومرشوشة
بالطحين وملي نكملو الكمية كاملة نبركو على
كل حبة بالظهر ديال الفورشيط ونسخنو الفران
على درجة حرارة متوسطة وندخلوه يطيب وملي
يتحمر نخرجوها حتى تبرد ونقدمو
بسكويت بزبدة الكاوكاو بالصحة والراحة
في امان الله
السلام عليكم أنا كنطلب منك أخواتي يقلبو لي على شي وصفة فعالة ضد السعال جدا حيت الأم ديالي كتعاني منو هذي مدة ديال 6أشهر مخلينا مدرنا عاونوني
استعملي زيت الزيتون و الثوم
ضعي فص ثوم كامل بقشره في ملعقة كبيرة زيت ضعيها على النار لما تبدأ بالغليان ارفعيها و اتركيها حتى تصبح دافئة تشربها على الاقل ثلاثة ايام متتالية قبل النوم
ممكن استعمال عصير برتقال ساخن مع عسل نحل ممتاز ايضا للكحة
مغلي الزعتر ايضا
مغلي الحلبة
مغلي البابونج
طهور لا بأس على الوالدة
شكرا بزاف أ حبيبة راضية ولكن زيت الزيتون كيوقف الأم ديالي فصراحة معرفتش شنو غادي ندير رجا فالله وصافي الله يجيب الشفاء من عند الله وشكرابزف
Mafhamtch lwasfa charhoha lia