بحلاوة بشكل كيحمق بالصور

بحلاوة بشكل كيحمق بالصور 15

السلام عليكم و رحمة الله و بركاته غادي نقدم ليكم حلوة بحلاوة

بشكل كيحمق بالصور هذ بحلاوة شكل جديد محشيا بالكاوكاو

يمكن ليك تحشيها باشما حبيتي اللوز او بيستاج

او اي حشوة مفضلة عندك

بحلاوة بشكل كيحمق بالصور

مقادير عجين بحلاوة بشكل كيحمق بالصور

اربع زلايف دقيق يعني حوالي كيلو تقريبا
كاس سكر كلاصي
كاس مازهر
رابعة زبدة ماركرين
ماء دافي باش تعجني

طريقة تحضير بحلاوة بشكل كيحمق بالصور

نجمعوها نخليوها شوية قاصحة وندلكوها مزيان وديريها في بلاستيكة

وخليها ترتاح على ما توجدي الحشو

من بعد ناخد تلت العجين ونضيف ليه الكاكاو

وندلكها مزيان باش يدخل فيه مزيااااان

مقادير الحشو

كيلو كاوكاو محمر ومقشر ومطحون انا مكنطحنوش حتى يتنيل كنخليه

يتقرمش شوية كاس ونص سكر كلاصي

نص كاس ما زهر

و العسل باش تجمعي الخليط و خليه شوية ناشف بحال الصورة

العجينة اللي نسرحوها لتحت تكون بيضة او لي بغا يدير فيها الكاكاو يديرها

ليكم الاختيار ونسرح فوقها الحشو بشكل متساوي

وندهن بابيض البيض مزيااااااااااان
نسرح العجينة بالمدلك ونخرجها من الجهة ديال سباكيتيى

وكنبدا نحط الخيوط انا كندير اربعة بيضين واربعة كحلين كيجي شكلها زوين

بيني و بينكم كتشد اليد ولكن منين كطيب كتعجبني

النتيجة وكتمشي تمارة كلها

هنا مني كملت تستاف الخيوط

ناخد العجينة البيضا والكحلة ونسرحها ونقطعها و ريدات صغار

بحيت تكون وحدة اصغر من وحدة
نقطعها الى مربعات او معينات لكم الاختيار

وفي القنت ديال كل مربع ندير نقيطة ديال الما ونحط فوقها وردة صغيرة

و ندخلها للفران حتى طيب انا مكنخليهاش تتحمر من الفوق

و نكب عليها العسل و نخليها تشرب مزياااااااان

ندير عقيقة في وسط الوردة ونرش بالبريو ونديرها في الكويغطات

بالصحة و الراحة

15 Comments

  1. Tbarkalah alik

  2. Tbarklah 3lik wrina mat3lmti ellah ijazik bi5ir

    1. ان شاء الله ياربي امين

  3. تبارك الله عليك جميل جدا جدا واو واو

    1. شكرا اختي دنيا

  4. Tbarkalah 3lik zwina osahla:)

  5. lahi y3tik saha ghzala yamkan ndiro lwraida bi lawn akhar

  6. شكل جديد وعصري اللّٰه يعطيك الصحة

  7. lah i3tik saha katchahi

  8. Tbarklah 3lik azin

  9. Tbarkelah 3lik dahra wa3ra ana b3dakin allh ya 3tik saha o khti 3aziza

  10. الله يعطيك الصحة

    1. ياربي امين

      جارتي المديرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *